د افغانستان بانک لوی رئیس د پیسو د نړیوال صندوق په پسرلنۍ غونډو کې ګډون وکړ

Mpoya
سه‌شنبه ۱۳۹۸/۱/۲۷ - ۱۲:۵۶
د افغانستان بانک لوی رئیس د پیسو د نړیوال صندوق په پسرلنۍ غونډو کې ګډون وکړ

۱۳۹۸ د وري میاشت ـ د افغانستان بانک لوی رئیس ښاغلي خلیل صدیق او ورسره پلاوي د پیسو د نړیوال صندوق په پسرلنۍ غونډه او د هغه په څنډه کې په نورو غونډو کې ګډون وکړ.

د پیسو د نړیوال صندوق پسرلنۍ غونډې د ۲۰۱۹ زیږدیز کال د اپریل د میاشتې په دویمه اونۍ کې د امریکا د متحده ایالاتو د واشنګټن په ښار کې د مرکزي بانکونو د رئیسانو او د هغه د غړو هېوادونو د مالي او بانکي چارواکو په ګډون جوړې شوې وې. په دې غونډو کې، د نړۍ وروستۍ اقتصادي وضعیت، راتلونکي ننګونې او لید لوري او د پرمختللو، غوړیدا په حال، پرمختګ په حال او د لږ پرمختګ درلودونکو هېوادونو پولي او مالي سیاستونه تر بحث لاندې ونیول شول.

د دې غونډو په څنډه کې د افغانستان بانک پلاوي د پیسو د نړیوال صندوق له رئیسې میرمن کرستین لګارډ، د منځنی آسیا، مرکزي آسیا او د افغانستان په چارو کې د پیسو د نړیوال صندوق له مرستیال ښاغلي فروساوا او د امریکې د متحده ایالاتو د مرکزي بانک له چارواکو، د څو نړیوالو مهمو بانکونو له رئیسانو او چارواکو سره دوه اړخیزې او څو اړخیزې لیدنې وکړې او د اړتیا وړ موضوعګانو او د همکاریو د ټینګښت او پیاوړتیا لپاره د زمینو د برابرولو په اړه یې سره نظرونه شریک او تبادله کړل.

د دې غونډو په اوږدو کې د افغانستان بانک لوی رئیس د بیو د عمومي کچې د ثبات او د مالي نظام د ثبات او سلامتیا په برخه کې د افغانستان د لاسته راوړنو او پرمختګونو په اړه لازمه توضیحات وړاندې کړل او په ځینو مهمو موضوعاتو باندې یې بحث وکړ.

د دې سفر په بله برخه کې، د افغانستان بانک لوی رئیس په هغه غونډه کې چې د معتبره امریکايي شرکتونو لپاره چې په افغانستان کې پانګونې ته لیوالتیا لري او د امریکې په متحده ایالاتو کې مېشت د افغانستان سفارت په کوربه توب جوړه شوې وه، ګډون وکړ او سوداګرو او پانګوالو ته یې د بانکي اسانتیاوو په برخه کې هر اړخیز معلومات وړاندې کړل او د سوداګرو پوښتنو ته یې ځوابونه وویل.

وروستي خبرونه

یکشنبه ۱۳۹۸/۳/۵ - ۱۰:۱۷
Background image

د افغانستان بانک 35 میلیونه امریکايي ډالره لیلاموي

کابل، 1398 کال د غبرګولی 5ـ د افغانستان بانک غواړي چې د 1398 کال د غبرګولی میاشتې په 6 نېټه د دو شنبی په ورځ د داوطلبۍ په ترڅ کې شاوخوا 35 میلیونه امریکايي ډالره د یوې ازادې او رڼې. . .

سه‌شنبه ۱۳۹۸/۲/۳۱ - ۱۱:۵۳
Background image

د افغانستان بانک د خپلو کارکوونکو د ظرفیت لوړولو ته ژمن دی

کابل،  ۱۳۹۸ کال د غويي ۳۱– د مالي خدماتو د پراختیا د پالیسۍ په اړه شپږ میاشتۍ روزنیز تخصصي پروګرام چې د AFI نړیوال سازمان په نږدې همکارۍ سره د فرانکفورټ د مالي چارو او مدیریت د پوهنتون. . .

دوشنبه ۱۳۹۸/۲/۲۳ - ۱۲:۱۷
Background image

د سترو معاملو (د اسعارو د مبادلې) د راپورونو د راټولولو بهیر پیل شو

د صرافانو او پولي خدمتونو د وړاندې کوونکو د سترو معاملو (د اسعارو د مبادلې) د راپورونو د راټولولو بهیر د هېواد په کچه پیل شو.

د افغانستان بانک لوی رئیس ښاغلي خلیل صدیق په هغه غونډه کې. . .

بېرته خبرونه ته