د افغانستان بانک د سرپرست رئیس ښاغلي الحاج عبدالقاهر پیغام

Mpoya
Tue, Sep 14 2021 2:15 PM
د افغانستان بانک د سرپرست رئیس ښاغلي الحاج عبدالقاهر پیغام

بسمه تعالی

د افغانستان بانک د سرپرست رئیس ښاغلي الحاج عبدالقاهر پیغام

الحمدلله و الصلاة والسلام علی رسول الله

اما بعد!

درنو هېوادوالو

د افغانستان بانک ټولو درنو هېوادوالو ته ډاډ ورکوي چې د افغانستان سوداګریز بانکونه د دوی تر جدي څارنې لاندې دي او خپل ورځني عملیات تر پخوا ښه تر سره کوي او له بشپړ خوندیتوب څخه برخمن دي. د نړۍ او سیمې ټول بانکونه د معمول له مخې خپلې پانګې تر لس سلنې پورې په نقد ډول ساتي او پاتې نورې په ګڼو سوداګریزو کاروبارونو کې په کار اچوي، ترڅو خپلو هېوادوالو ته مالي خدمتونه په سم ډول ورسوي.

د افغانستان سوداګریز بانکونه بیا په اوسط ډول تر پنځوس سلنې پورې خپلې افغانۍ او نور اسعار له ځان سره لري. له دې څخه دا جوتېږي چې زمونږ بانکي سکتور غښتلی دی او پاتې نور یې په ګڼو سوداګریزو چارو کې د هېواد د ننه او بهر پانګونې تر سره کړې دي، څو د هېواد په اقتصاد کې رغنده رول ولوبوي.

د افغانستان اقتصادي حالت ته په کتلو سره ټول بانکونه د صرافانو، شرکتونو او ملي سوداګرو په ګډون به ډېر ژر خپل کارونه عادي حالت ته را وګرځوي او خپلې چارې به په ښه او ډاډمنه توګه پر مخ یوسي. همدارنګه د افغانستان بانک ټولو هېوادوالو ته ډاډ ورکوي چې بانکي سکتور به له کلک عزم، له فساد پرته او له نویو بانکي برنامو سره خپلو هېوادوالو ته بانکي خدمات وړاندې کړي.

په پای کې د هېوادوالو له صبر او حوصله مندۍ څخه مننه کوو

د افغانستان بانک سرپرست رئیس

الحاج عبدالقاهر محمد (ادریس)

Latest news

Wed, Dec 08 2021 9:51 AM
Background image

Notification of Da Afghanistan Bank Pertaining to the Banking Sector

As the esteemed compatriots are aware, all commercial banks are actively providing banking services, and lately the payment of cash to individual customers has increased due to. . .

Tue, Dec 07 2021 1:11 PM
Background image

Second USD Shipment Reached Afghanistan and Delivered to the AIB

Following a series of humanitarian aid to Afghanistan, today, December 08, 2021, the second shipment of humanitarian aid reached Afghanistan. The transit of the aforesaid shipment to. . .

Sat, Oct 16 2021 3:11 PM
Background image

ECO Trade and Development Bank held 91st Meeting of its Board of Directors

ECO Trade and Development Bank held the 91st meeting of its Board of Directors online on October 14, 2021. In addition to the chairman of the bank and members of the Board of Directors,. . .

BACK TO NEWS