هېواد ته د ۴۰ میلیونه نغدو امریکایي ډالرو د بشري مرستې را رسېدل
۱۴۴۴ صفر المظفر ۱۵ مه - افغانستان ته د مرسته کوونکو هېوادونو د بشرپاله مرستو په لړ کې نن د څلوېښت میلیونه امریکایي ډالرو نغده کڅوړه را ورسېده او یو سوداګریز بانک ته وسپارل شوه.
د افغانستان بانک هېواد ته له قانوني او اصولي لارو د اسعارو له راتګ هر کلی کوي او د نړیوالې ټولنې له مرستو د مننې ترڅنګ له دې ټولنې غواړي چې په نورو برخو کې هم له افغانستان سره تعامل او همکاري ولري.
د افغانستان بانک مشرتابه په دې باور دی چې د بانکي سکتور له لارې د بشرپاله مرستو تر سره کول روڼتیا رامنځته کوي او خلکو ته مرستو د رسولو په برخه کې آسانیتاوې راولي.
