د افغانستان بانک د مالي چارو سلاکار معرفي شو

Mpoya
سه‌شنبه ۱۳۹۸/۵/۲۹ - ۱۵:۳۹
د افغانستان بانک د مالي چارو سلاکار معرفي شو

کابل، د ۱۳۹۸ کال د زمري ۲۷ مه ـ ښاغلي سید عبدالغفور سادات په مالي برخه کې د افغانستان بانک د ریاست د عالي مقام د سلاکار په توګه په دنده وګمارل شو.

نوموړی د افغانستان بانک د سرپرست او لومړي مرستیال ښاغلي واحدالله نوشېر او د افغانستان بانک د دویم مرستیال ښاغلي محمد قسیم رحیمي له لوري د دې بانک د بېلابېلو آمریتونو آمرینو او مرستیالانو ته ور وپېژندل شو.

د ښاغلي سادات د پېژندنې په مراسمو کې د افغانستان بانک د رهبري پلاوي له لوري په مخکنیو دندو کې د نوموړي د چارو او ارزښت ناکو خدمتونو ستاینه وشوه او په نوې دنده کې یې ورته د لا زیاتو خدمتونو د ترسره کولو هیله وښوده.

په یادو مراسمو کې ښاغلي سادات په نوموړي د باور له کبله د افغانستان بانک له مشرتابه مننه وکړه او ډاډ یې ورکړ چې په پوره انرژۍ سره به ورسپارل شوې دنده تر سره کوي.

ښاغلي سید عبدالغفور سادات په بېلابېلو اداري، مالي او اقتصادي برخو کې د مالیزیا، امریکا او انګلستان هېوادونو په معتبرو پوهنتونونو کې زدکړې کړې دي او په یادو برخو کې درې ماسټرۍ لري.

د یادونې وړ ده چې نوموړي له دې وړاندې د افغانستان بانک د مالي ټینګښت آمریت د آمر او د دې بانک د مالي خدمتونو د پراختیا آمریت د سلاکار په توګه دندې تر سره کړې دي.

وروستي خبرونه

چهارشنبه ۱۴۰۴/۶/۵ - ۱۷:۷
Background image

د افغانستان بانک مشرتابه پلاوي د عزیزي بنسټ له بنسټګر سره ولیدل

د افغانستان بانک رئیس، ښاغلي نور احمد آغا او لومړي مرستیال ښاغلي صدیق الله خالد د عزیزي بنسټ له بنسټګر ښاغلي میرویس عزیزي سره وکتل او د بانکي سکتور د لا پرمختګ په تړاو یې هر اړخیز بحث. . .

دوشنبه ۱۴۰۴/۶/۳ - ۱۴:۲۳
Background image

د افغانستان بانک لومړي مرستیال ختیځ زون ته د رسمي سفر په ترڅ کې د دې زون له نمایندګیو لیدنه وکړه

د افغانستان بانک د لومړي مرستیال، ښاغلي صدیق‌الله خالد په مشرۍ یو پلاوي د افغانستان بانک ختیځ زون ته سفر وکړ او د دې زون له مرکز، جلاآباد ښاري څانګې، ګمرک، لغمان، کنړ او تورخم نمایندګیو. . .

پنجشنبه ۱۴۰۴/۵/۳۰ - ۱۵:۶
Background image

د سوداګریزو بانکونو له لوري د ټولګټو پروژو د تمویل میکانیزم لاسلیک شو

د ریاست‌الوزراء د اقتصادي مرستیال محترم الحاج ملا عبدالغني برادر اخوند په حضور کې د افغانستان بانک او ماليې د محترم وزارت ترمنځ د سوداګریزو بانکونو د ګډون له لارې د ټولګټو پروژو د تمویل. . .

بېرته خبرونه ته