د افغانستان بانک د سرپرست رئیس په مشرۍ د سوداګریزو بانکونو له استازو سره غونډه
۱۴۴۵ د رمضان المبارک ۲۳ مه – د افغانستان بانک د سرپرست رئیس ښاغلي هدایت الله بدري په مشرۍ د سوداګریزو بانکونو له استازو سره د افغانستان بانک د عالي شورا په تالار کې غونډه جوړه شوه.
په یاده غونډه کې صعب الحصول پورونو، اسلامي بانکوالۍ د محصولاتو، د بانکي ستونزو د حل په موخه د ځانګړې محکمې رامنځته کولو، پیسو د لېږد ( ټي ټي)، پورونو د ورکړې په برخه کې د آسانتیاوو رامنځته کولو او یو شمېر نورو اړوندو برخو په اړه بحث او د نظرونو تبادله تر سره شوه.
په دې غونډه کې د افغانستان بانک د ټولو سرپرست رئیس ښاغلي هدایت الله بدري پر ذکر شویو مواردو د بحث تر څنګ د افغانستان بانک له اړخه د پوره همکارۍ ډاډ ورکړ او د سوداګریزو بانکونو له استازو یې وغوښتل چې د درنو هېوادوالو لپاره د غوره خدمتونو د وړاندې کولو زمینه برابره کړي.
د یادونې وړ ده چې په دې غونډه کې د افغانستان بانک د بانکي څارنې لوی آمر ښاغلي عبدالرحمن قانت، د افغانستان د بانکونو د ټولنې او د سوداګریزو بانکونو استازو هم ګډون درلود.
