د تش بست خبرتیا

د دندې عنوان: د نغدینګۍ ریسک د ارزونې مدیر

آمریت: د ریسک ادارې او د قانون رعایتولو لوی آمریت

گرېډ: اتم (۸)

د بستونو شمېر: دوه (۲)

د پیل نېټه: ۱۴۴۸ د ربیع الثاني ۱۴

د پای نېټه: ۱۴۴۸ د ربیع الثاني ۲۸

د ګمارنې ډول: دایمي

دندې او مسوولیتونه:

• د اړوندې څانګې د چارو مدیریت، څارنه، کنترول او ارزونه او د کار اغېزناکتیا او مولدیت زیاتول؛

• د پالیسیو، مقرراتو، کړنلارو، معیاري سیستمونو او پلانونو  طرحې، ترتیب، پراختیا او تطبیق په برخه کې همکاري کول؛

• د نغدینګۍ ریسک د ارزونې چک لیستونو او د مستقیم مدیر له لورې د سپارل شوو نورو فورمونو ترتیبول؛

• د ریسک پېژندنې، ارزونې او راپور ورکونې د میتودونو د ښه والي په موخه د ارزښتناکو وړاندیزونو وړاندې کول؛

• د افغانستان بانک د نغدینګۍ ریسک او د هغې د پایلو د تشخیص او ارزونې لپاره د اړوندو معلوماتو او اسنادو راټولول؛

• د پولي سیاست، بازار عملیاتو او مالي او محاسبې لویو آمریتونو سره په همکارۍ د نغدینګۍ د توپیر اټکل لپاره په میاشتنۍ توګه د (Maturity Ladder) ترتیبول؛

• په عادي او فشار لرونکي ربعو کې د نغدي جریان وړاندوینه او د احتمالي کمښتونو پېژندل؛

• د افغانستان بانک د محصولاتو او پروسو د نغدینګۍ ریسک له عملیاتي کنټرول څخه ډاډ ورکول؛

• له اړوندو آمریتونو څخه د ترلاسه شوو معلوماتو پر بنسټ د افغانستان بانک د نغدینګۍ د ورځني وضعیت ارزول؛

• د اجرااتو له امله د رامنځته شوو تېروتنو د پېژندلو پر مهال، د هغو د اصلاح لپاره ژر تر ژره اقدام کول او له نورو څانګو سره همکاري کول؛

• له اړوندو څانګو سره په ځانګړې توګه د سپارل شوو چارو په اړه د اړیکو او همغږۍ ټینګول؛

• د نغدینګۍ د ریسک پېښې او د هغو پایلې د ریسک په ثبت کتاب (ریسک ریجستر) کې ثبتول؛

• د نغدینګۍ ریسک په اړه د اړوندو کارکوونکو لپاره د روزنیزو او پوهاوي پروګرامونو په جوړولو او ترسره کولو کې ونډه اخیستل؛

• د مکتوبونو، وړاندیزونو، استعلامونو او نورو اداري لیکونو لیکل، په ټاکلي وخت د هغو طی مراحل ترسره کول او په دقیق او منظم ډول یې د هارډ او سافټ کاپي په بڼه په دوسیو او کارتنونو کې تنظیم او ساتل؛

• د کاري پلانونو ترتیبول او مستقیم مدیر او واک لرونکي آمر ته د کاري راپور وړاندې کول؛

• د هغو نورو دندو او مسوولیتونو ترسره کول چې د کړنلارو، لارښوونو او د لوړو مقاماتو له لارښوونې سره سم د لایحې او مقرراتو له مخې سپارل کېږي.Top of Form

د زده کړې درجه:

• لږ تر لږه د اقتصاد، مدیریت، مالي او بانکي، اداره او سوداګري، حقوقو او عامه ادارې په برخو کې د لیسانس درلودل او په پورته ذکر شوو برخو کې د ماسترۍ سند لرونکي ته لومړیتوب ورکول کیږي.

 تجربه:

• د دندې اړوند درې (۳) کاله کاري تجربه درلودل.

مهارتونه او وړتیاوې:

• په رسمي ژبو او انګلیسي ژبه کې د لوړ مهارت درلودل؛

• د مدیریتي مهارتونو درلودل؛

• له کمپیوټري پروګرامونو او بانکي سیستمونو سره بلدتیا؛

• له بانکي قوانینو، مقرراتو او د افغانستان بانک د دندو او موخو سره بلدتیا؛

• د وظیفوي موضوعاتو د تحلیل، د مالي موضوعاتو د تفسیر او تعبیر او د دقیقې راپور ورکونې وړتیا درلودل؛

• په خبرو کې فصاحت او بلاغت او د دندې د محرمیت ساتل؛

• د کاري مسوولیت پوهه او درک او په کاري ساحه کې د ستونزو پېژندل.

شخصي صفتونه او ارزښتونه:

 رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

• درخواست کوونکی کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.

• د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

• د آزموینې نېټه وروسته اعلانیږي.