لومری ستراتیژیک اصل:

د اقتصادي ودې او ټیکاو دملاتړ په موخه دپولي سیاست د اغیزې پیاوړتیا؛

پنځم ستراتیژیک اصل:

د اداري اغیزنا کۍ زیاتول او ساتل او د اصلي کړنو او د اداري او عملیاتي میکانیزمونو د لوړولو له دوام څخه ډاډ ترلاسه کول؛

دویم ستراتیژیک اصل:

د مالي نظام دټیکاو د تأمینولو او د هېواد په بانکي سیستم باندې د خلکو د باور د زیاتېدو په موخه د حقوقی، مقرراتي او څارنیزو بیخبنسټونو او اډانې ټینګښت؛

شپږم ستراتیژیک اصل:

د فزیکي بېخبنسټونو پراختیا او د معلوماتي او ارتباطي تکنالوژۍ د بېخبنسټونو او سیستمونو لوړول او د امنیت ټینګښت؛

درېیم ستراتیژیک اصل:

د مالي خدمتونو پراختیا چې له مخې یې د افغانستان بانک پرېکړه کړې ده تر څو د محصولاتو او مالي خدمتونو په متنوع والي او همدا ډول له مالي خدمتونو څخه بې برخو ډلو لکه؛ کورنۍ او کوچني او منځني شرکتونو په پام کې نیولو سره نوي بازارونه جوړ؛ مالي خدمتونو ته د خلکو لاسرسي اسانه او د عصري بانکي خدمتونو ډولونه پراخه کړي؛

اووم ستراتیژیک اصل:

د اغېزناکۍ د زیاتېدو او د کارکوونکو د ودې لپاره د زمینې د برابرولو په موخه د بشری سرچینو د مدیریت د سیستم ښه والی.

څلورم ستراتیژیک اصل:

د ورکړی د نظام د خوندیتوب او اغېزناکۍ ټینګښت او د ورکړې په سیستم کې د احتمالي خطرونو دمخنیوۍ او کنټرول او د بیه لرونکو پاڼو لپاره د مرکزی سیستم جوړول؛

د عامه خلکو د ګټو لپاره د خدمت ژمنه: د افغانستان بانک د عامه اړتیاوو پوره کولو ته ژمن دی؛

د اړوندو مراجعو د ګټو په پام کې نیول: د افغانستان بانک به وویاړي چې د حکومت (چې د افغانستان بانک یې د پولي استازي په توګه کار کوي) په ګډون اړوندو مراجعو ته تر ټولو ښه خدمتونه وړاندې کوي؛

اخلاق او ریښتینوالی: د افغانستان بانک په خپلو ټولو کړنو کې د مسلکي اخلاقو او ریښتینوالۍ رعایتولو ته ژمن دی‎؛

روڼتیا: د افغانستان بانک د روڼتیا او حساب ورکونې تأمینولو ته ژمن دی او د خلکو لخوا د خپلو ټولو کړنو څارنې ته ښه راغلاست واي؛

بیلګه ایزه رهبري: د افغانستان بانک ژمن دی تر څو په  اداري او انفرادي کچه د غوره کړنو په ترسره کولو سره خپل مقام د بېلګې په توګه تثبیت کړي؛

ډله ایز کار: د افغانستان بانک ژمن دی تر څو د ټولو اداري واحدونو ترمنځ د ډله ایز کار فرهنګ دود کړي؛

مساوات او عدالت: د افغانستان بانک له خپلو مشتریانو، کارکوونکو او نورو شریکانو سره د منصفانه چلند د رعایتولو اصل ته ژمن دی چې دا چاره د جنسیت په اړه حساسیت او د یو مناسب کاري چاپیریال را منځته کول هم رانغاړي.

محرمیت: د افغانستان بانک د خپلو ټولو مشتریانو، کارکوونکو او له نورو شریکانو سره په ټولو چارو (اړیکو او معاملو) کې د محرمیت ساتلو ته ژمن دی.