آمریتونه

د ریاست د دفتر لوی آمریت د افغانستان بانک د موخو او دندو په پلي کولو کې یو له مهمو برخو څخه ګڼل کېږي. دا آمریت د بانک له شریکانو سره د اړیکو له لارې، د افغانستان بانک سیاستونه او تګلارې لیږدوي او له نویو اقتصادي پېښو او د انفلاسیون د نرخ له وړاند وینې، اقتصادي ودې او د مالي نظام له ټیکاو څخه د بازار لوبغاړي خبروي.نور

د پولي سیاست لوی آمریت د افغانستان بانک یو له مهمو آمریتونو څخه دی چې بنسټیزه دنده یې د هېواد د پولي او اسعاري سیاستونو طرحه کول، تر لاس لاندې نیول او اجراء کول رانغاړي. د پولي سیاست لوی آمریت د پیسو د متحولونو د هدف ټاکنې د اډانې (چوکاټ) په پیروۍ سره هڅه کوي څو د شته ابزارونو په کارولو سره په اقتصاد کې نغدینګي مدیریت او د کورنیو بیو ټیکاو (ثبات) وساتي. نور

د بانکي څارنې او مالي خدمتونو لوی آمریت د افغانستان بانک په تشکیلاتي جوړښت کې یو له مهمو او بنسټیزو آمریتونو څخه دی چې موخه یې په ټولیزه توګه له بانکونو سره د امانت اېښودونکو د امانتونو خوندیتوب او په بانکي نظام باندې د اړوندو قوانینو او مقرراتو له پلي کېدو څخه د ډاډ ترلاسه کول دي. نور

غیر بانکي مالي موسسې (NBFI) هغه بنسټونه یا ادارې دي چې د بانکونو په څېر مالي خدمتونه وړاندې کوي، خو هره غیر بانکي مالي موسسه د خپل کاري ماهیت له مخې توپیر لري او د ټاکل شویو کړنو پر بنسټ د فعالیت ځانګړی جواز لري. غیر بانکي مالي موسسې چې اوس مهال په افغانستان کې فعالیت کوي او له د افغانستان بانک څخه یې د فعالیت جوازونه ترلاسه کړي دي، د صرافۍ او پولي خدمتونو  شرکتونه، د بریښنایي پیسو موسسې او اداینیزې موسسې رانغاړي. همدارنګه، د مالي اجارې موسسې او د کوچنیو پورونو مالي موسسې هم کولای شي د اړوندو مقررې سره سم له د افغانستان بانک څخه د فعالیت جواز ترلاسه کړي.  نور

لیدلوری: د پانګې د ساتلو په موخه د اسعاري زېرمو د مدیریت د یو منظم سیستم درلودل، د اسعاري نغدینګۍ تأمینول او د افغانۍ ارزښت او ټیکاو ساتلو لپاره د مناسبې ګټې ترلاسه کول او د پولي سیاست اغېزناکه پلي کول. نور

د افغانستان د مالي معاملو او راپورونو د شننې مرکز (د مالي استخباراتو واحد) د پیسو وینځلو او له جرمونو څخه د تر لاسه شوو عوایدو د مخنیوي قانون پر بنست د پیسو وینځلو او ترهګرۍ  د تمویل د اړوندو کړنو لپاره د هېواد د بانکي او مالي سیستم د ناسمې کارونې د مخنیوي په موخه په 2006 زیږدیز کال کې جوړ شوی دی. نور

د مالي او محاسبې لوی آمریت د افغانستان بانک قانون د نهمې مادې او یو سلو یومې مادې د درېيم جز پر بنسټ جوړ شوی او د افغانستان بانک د مالي راپورونو ترتیبول، د افغانستان بانک د بودجې جوړول او ترتیبول، د افغانستان بانک کارکوونکو لپاره د معاشونو او امتیازونو اجراء کول، د افغانستان بانک کارکوونکو لپاره د پورونو اجراء کول، د مالي طلباتو او اداینو اجراء کول، د افغانستان بانک د ثابتو شتمنیو ثبت او کنټرول، د افغانستان بانک د مالي معاملو کنټرول، د غیر فعالو حسابونو د لېږد او ساتنې مدیریت، د معامله لرونکو بانکونو د حسابونو ساتنه او د افغانستان بانک د اسعاري زېرمو مدیریت یې بنسټیزې دندې دي. نور

په اوسنیو شرایطو کې یو له هغو موضوعاتو څخه چې یوې ادارې ته زیات ارزښت ورکوي، د معلوماتي ټکنالوژۍ کارونه ده. په دې وروستیو کلونو کې، هېوادوالو ته د بانکونو له لارې د خدمتونو وړاندې کولو د پام وړ پرمختګ کړی دی. اوس مهال ډېری بانکونه پر دې پوه شوي دي چې د کیفیت لرونکو، چټکو، دقیقو او کم لګښت لرونکو بانکي خدمتونو د وړاندې کولو وړتیا او کیفیت د معلوماتي ټکنالوژۍ د کارونې له کچې سره تړاو لري. نور

د ودې، پراختیا او پرمختګ له فکتورونو څخه یو هم بشري پانګه ده. که چېرې دا پانګه د خدمتونو په تولید او وړاندې کولو کې په اغېزناکه توګه وکارول شي، د ودې، پراختیا او پرمختګ بهیر به لوړیدونکی وي او په لاندې لاسته راوړنو کې مهم رول لوبولای شي.نور

د افغانستان بانک د حقوقي مشاوریت دفتر په ۱۳۸۳ هجري لمریز کال کې د افغانستان بانک په اډانه کې جوړ شوی دی. دا دفتر د تقنیني سندونو د تسویدولو په ګډون د افغانستان بانک د قوانینو او مقرراتو په اړه اړینې مشورې او لارښوونې، د هېواد له نورو نافذه قوانینو سره د افغانستان بانک د تقنیني سندونو حذفول یا همغږي کول، د افغانستان بانک حقوقي او تقنیني اړتیاوو ته ځواب ورکول، له دولتي ادارو، نړیوالو سازمانونو سره په غونډو کې ګډون (که چېرې دا غونډې د افغانستان بانک حقوقي موضوعات او مسوولیتونه رانغاړي) د دې آمریت له مسئولیتونو څخه ګڼل کیږي. نور

د عمومي خدمتونو د آمریت دندې پر وخت او معیاري خدمتونه لکه ښه کاري چاپېريال، اثاثیې، برېښنا، ټرانسپورټ، د نغدو پیسو لېږد، د سفر ټکټونه، د کارکوونکو د سالمو خوړو برابرول، املاک، پام ساتنه (حفظ او مراقبت)، د نویو ودانيو جوړول او د ټولو ودانيو د ترمیمولو خدمتونه رانغاړي. نور