په افغانستان کې د ملګرو ملتونو له مشرې سره غونډه

Mpoya
Thu, Dec 08 2022 12:15 PM
په افغانستان کې د ملګرو ملتونو له مشرې سره غونډه

۱۴۴۴ جمادي الاول ۱۴ مه – په افغانستان کې د ملګرو ملتونو له استازې آغلې رزا اوتونبایوا سره د افغانستان بانک سرپرست رئیس ښاغلي عبدالقاهر ( حاجي ادريس) ولیدل او پر یو شمېر مهمو موضوعاتو یې بحث وکړ.

په دغه لیدنه کې د فقر او بیکارۍ د له منځه وړلو، بشري مرستو، بهرنیو پانګونو، بانکي لېږدونو او اړیکو، د افغانستان د اسعاري زېرمو، کوچنیو پورونو، مالي خدمتونو د پراختیا او یو شمېر نورو مهمو مالي او بانکي موضوعګانو په اړه بحث او د نظرونو تبادله تر سره شوه.

په دغه غونډه کې د افغانستان بانک سرپرست رئیس ښاغلي عبدالقاهر (حاجي ادریس) یادونه وکړه چې د افغانستان بانک د نړیوالو اصولو او مقرراتو په رڼا کې له ټولو ملي او نړیوالو بنسټونو سره د غوره اړیکو غوښتونکی دی او پدې برخه کې به د افغانستان بانک له اړخه له هېڅ ډول همکارۍ درېغ و نه کړي.

نوموړي د نړیوالې ټولنې له مرستو د مننې تر څنګ په افغانستان کې د ملګرو ملتونو له استازې وغوښتل چې په افغانستان کې د فقر، بیکارۍ او نورو منفي نا خوالو د له منځه وړلو لپاره د نړیوالو منل شوو اصولو او مقرراتو په رڼا کې د مناسب چاپیریال په رامنځته کولو کې مرسته وکړي، تر څو په دې وسیله د یادو پدیدو څخه په ملي او نړیواله کچه د رامنځته کېدونکو منفي تاثیراتو مخنیوی وکړي.

باید وویل شي چې په دې غونډه کې د افغانستان بانک د پالېسۍ ستر سلاکار ښاغلي لطف الحق نور پسرلي هم ګډون درلود او له نړیوال بانکي سکتور سره یې د افغانستان د بانکي سکتور د نښلولو په اړه هر اړخیز بحث وکړ. نوموړي له نړیوالو سیستمونو سره د افغانستان د بانکي سیستمونو نښلول د هېواد په اقتصادي وده او سوداګریزه پراختیا کې د خورا ارزښت وړ یاد کړل.

د یادونې وړ ده چې په دې غونډه کې په افغانستان کې د ملګرو ملتونو استازې آغلې رزا اوتونبایوا هم د افغانستان بانک سره د غوره اړیکو پر لرلو ټینګار وکړ او ژمنه یې وکړه چې د افغانستان بانک د مشرتابه پیغام به د ملګرو ملتونو په راتلونکې غونډه کې شریک کړي.

Latest news

Wed, Sep 30 2026 5:14 PM
Background image

DAB Holds Supreme Council Meeting

September 30, 2026 - The Supreme Council of Da Afghanistan Bank (DAB) held a meeting chaired by Sediqullah Khalid, First Deputy Governor of DAB, who also serves as Deputy Chair of the. . .

Sun, Sep 27 2026 3:01 PM
Background image

DAB, ACGF Sign MoU on Cooperation

September 27, 2026- Da Afghanistan Bank (DAB) and Afghan Credit Guarantee Foundation (ACGF) signed a Memorandum of Understanding (MoU) on cooperation at a meeting held at the DAB’s. . .

Sun, Jul 26 2026 4:57 PM
Background image

DAB First Deputy Governor Meets Deputy Governor of Uzbekistan’s Central Bank

The First Deputy Governor of Da Afghanistan Bank, Sediqullah Khalid, met with the Deputy Governor of the Central Bank of Uzbekistan, Abrar Mirza Alimove, at his office to discuss. . .

BACK TO NEWS