د افغانستان بانک پلاوي د شمال او شمال ختیځ زونونو څخه لیدنه وکړه

Mpoya
Mon, May 04 2026 4:25 PM
د افغانستان بانک پلاوي د شمال او شمال ختیځ زونونو څخه لیدنه وکړه

د افغانستان بانک د لومړي مرستیال ښاغلي صدیق الله خالد په مشرۍ یو پلاوي شمال او شمال خیتځ زونونو ته سفر وکړ او په دې زونونو کې یې د افغانستان بانک له نمایندګیو څخه لیدنه وکړه؛ دا سفر د کړنو د ارزونې، د څارنې د پیاوړتیا او د بانکي خدمتونو د ښه والي په موخه ترسره شو.

د افغانستان بانک لومړي مرستیال ښاغلي صدیق الله خالد د دې سفر په ترڅ کې د خزانې، د اسنادو آرشیف او د صرافۍ د غرفو په ګډون د بانک د مختلفو برخو او د اداري سندونو او ورځنیو کړنو د بهیر څخه لیدنه وکړه او د چارو د پرمختګ څرنګوالی یې له نږدې څخه وارزوه.

ښاغلي صدیق ‌الله خالد د دې لیدنو په ترڅ کې، د لا غوره، چټکو او رڼو بانکي خدمتونو د وړاندې کولو په موخه، د اړوندو زونونو مسوولینو ته اړینې لارښوونې وکړې او د اسلامي بانکوالۍ د اصولو پر اغېزناک تطبیق، د سوداګریزو بانکونو او اسلامي تمویل د خدمتونو پر کړنو د دوامداره او پر وخت څارنې، په اړوندو ولایتونو کې د صرافانو، د وړو مالي تمویلونو د موسسو او د برېښنايي اداینو د موسسو د فعالیتونو پر دقیقې څارنې او همدارنګه په ټولو چارو کې د روڼتیا د اصل په پام کې نیولو سره پر وخت د مراجعینو د ستونزو پر حل ټینګار وکړ.

همدارنګه په یاد سفر کې د ولایتي مسوولینو سره جلا غونډې ترسره شوې چې پکې د خدمتونو د ښه والي، د ستونزو د حل او د خلکو اړتیاوو ته په اغېزناکه توګه ځواب ویلو، د افغانیو د کارونې د ترویج او په ورځنیو معاملو کې د بهرنیو اسعارو د کارونې د مخنیوي په اړه تفصیلي بحثونه وشول او د افغانستان بانک د لایحو او متحدالمالونو په پلي کولو باندې ټینګار وشو.

د یادونې وړ ده چې په دې سفر کې، د مرکز زون آمر مولوي فضل ‌الله متوکل، د ټولو ناظر ادارې مرستیال دوکتور رقیب ‌الله ابراهیمي د افغانستان بانک د لومړي مرستیال ملتیا کوله.

Latest news

Wed, Sep 30 2026 5:14 PM
Background image

DAB Holds Supreme Council Meeting

September 30, 2026 - The Supreme Council of Da Afghanistan Bank (DAB) held a meeting chaired by Sediqullah Khalid, First Deputy Governor of DAB, who also serves as Deputy Chair of the. . .

Sun, Sep 27 2026 3:01 PM
Background image

DAB, ACGF Sign MoU on Cooperation

September 27, 2026- Da Afghanistan Bank (DAB) and Afghan Credit Guarantee Foundation (ACGF) signed a Memorandum of Understanding (MoU) on cooperation at a meeting held at the DAB’s. . .

Sun, Jul 26 2026 4:57 PM
Background image

DAB First Deputy Governor Meets Deputy Governor of Uzbekistan’s Central Bank

The First Deputy Governor of Da Afghanistan Bank, Sediqullah Khalid, met with the Deputy Governor of the Central Bank of Uzbekistan, Abrar Mirza Alimove, at his office to discuss. . .

BACK TO NEWS