د افغانستان بانک د تقنین کمېټې غونډه
کابل، د ۱۳۹۸ کال د سلواغې ۲۲ مه – د افغانستان بانک د عالي شورا د غړي ښاغلي ډاکتر محمد نعیم عظیمی په مشرۍ د دې بانک د تقنین کمېټې غونډه جوړه شوه.
په دې غونډه کې د افغانستان بانک د قوانینو او مقررو د تعدیل په اړه هر اړخیزې خبرې وشوې او نظرونه تبادله شول او په دې برخه کې د اړوندې چارې د لا ښه پرمختګ لپاره لازم تصمیمونه ونیول شول.
باید وویل شي په دې غونډه کې چې د افغانستان بانک د عالي شورا په تالار کې جوړه شوې وه، ښاغلي عظیمي ټینګار وکړ چې دافغانستان بانک په قانون او مقررو کې د تعدیل پر مهال باید د هېواد ټول نافذه قوانین په نظر کې ونیول شي، څو پر مټ یې په دې برخه کې کوم ټکر رامنځته نه شي.
د یادونې وړ ده چې په یاده غونډه کې پرېکړه وشوه چې د دې کمېټې په راتلونکو غونډو کې به د اړوندې موضوع په اړه نور بحثونه او لازمې پرېکړې هم وشي.
پاتې دې نه وي چې په دې غونډه کې د افغانستان بانک د حقوقي مشاوریت پر استازو سربېره د یو شمېر نورو آمریتونو استازو چې د تقنین کمېټې غړیتوب هم لري ګډون کړی وو.
