د افغانستان بانک د نړیوال بانک له لوري د افغانستان د بیا رغونې صندوق د څه باندې یو میلیارد امریکايي ډالرو د آزادولو هر کلی کوي
۱۴۰۰ د کب ۱۱ مه- د نړیوال بانک مدیره پلاوي پرون د افغانستان د بیارغونې صندوق یو میلیارد امریکايي ډالر چې د ۲۰۲۱ کال د اګست په ۱۵ نېټه کنګل شوي وو، آزاد کړل. د افغانستان بانک د نړیوال بانک د دغه غوره ګام هرکلی کوي او په مالي او بانکي برخو کې یې د لا زیاتو همکاریو غوښتنه کوي.
دا پیسې به د اساسي خدماتو د وړاندې کیدو" د زيانمن شويو افغانانو د ملاتړ، د انساني پانګې د ساتلو، د اقتصادي او اجتماعي خدماتو د وړاندې کیدو" د ملاتړ لپاره ولګول شي.
د افغانستان بانک د نړیوال بانک له دې نیک اقدام څخه د ستاینې تر څنګ غواړي چې د دې مرستو د اغېزناکتیا او پایښت لپاره دې دا مرستې د اړوندو بنسټونو له لارې ولګول شي او همدارنګه د افغانستان د پراختیایي او بنسټیزو پروژو د ملاتړ په برخه کې دنړیوال بانک او نورو مالي بنسټونو د همکارۍغوښتنه کوي.
