افغانستان ته درېیمه ډالري د مرستې کڅوړه راورسیده او AIB ته وسپارل شوه
افغانستان ته د بشري مرستو په لړ کې نن یکشنبه د ۱۴۰۰ کال د لیندۍ په ۲۱ نېټه د بشري مرستو درېیمه کڅوړه چې نولس اعشاریه دوه (۱۹,۲) میلیونه امریکایي ډالر دي ورسیده چې له هوايي ډګره تر د افغانستان نړیوال بانک (AIB) د هغي د لېږد زمینه د افغانستان بانک لخوا برابره شوې وه.
د افغانستان بانک تل هڅه کوي، څو د هېوادوالو د بېوزلۍ او ناچارۍ د مخنیوي لپاره اصولي او آسانه لارې وکاروي او له دې لارې هېوادوالو ته ډاډ ورکوي چې د هېواد د بانکي نظام وضعیت به ښه او اسعاري اړتیاوې به ژر تر ژره حل شي.
د یادونې وړ ده چې د افغانستان بانک تل هڅه کړې ده چې د اسعارو پر وړاندې د افغانۍ ارزښت په ثابت حد کې وساتي، هیله مندي شته چې د مرستو د دې کڅوړو په راتګ سره به د افغانۍ ارزښت په مطلوب حد کې وساتل شي.
د افغانستان بانک رهبري هڅه کوي چې له هرې ممکنه لارې د امریکایي ډالرو پر وړاندې د افغانۍ ارزښت وساتي.
