د افغانستان بانک ته د پیسو د نړیوال صندوق د منځني ختیځ او مرکزي آسیا د برخې لیک
۱۳۹۸ د چنګاښ ۸ مه ـ د افغانستان بانک ته د پیسو د نړیوال صندوق د منځني ختیځ او مرکزي آسیا د برخې لیک راستول شوی چې پښتو ژباړه یې په لاندې ډول خپروو:
ښاغلی خلیل صدیق:
غواړم چې په څو وروستیو کلونو کې د افغانستان بانک د لوی رئیس په توګه د پیسو د نړیوال صندوق د منځنۍ ختیځ او مرکزي آسیا له برخې سره ستاسو د هر اړخیزو او ګټورو همکاریو ستاینه او قدر داني وکړم. مونږ په دې دوره کې چې له ننګونو ډکه وه او تاسو د افغانستان بانک مشري په غاړه درلوده، ستاسو د مسلکیتوب او زیارکښۍ ستاینه کوو. ستاسو اغیزناکې رهبرۍ مرسته کړې چې افغانستان خپل د لوی اقتصاد ټیکاو وساتي او د مالي نظام د پیاوړتیا او ټینګښت په برخه کې د پام وړ پرمختګونه وکړي.
تاسو د پیسو د نړیوال صندوق له ارزښتمنه شریکانو څخه یاستی او مونږ خوښ یو چې په دې موده کې مو له تاسو سره کار کړی دی.
له فرصت څخه په ګټې اخیستنې سره، غواړم د ژوند په نورو برخو کې خپلې نیکې پیرزوینې شخصاً تاسو ته وړاندې کړم.
په درنښت
جهاد آزور
د منځني ختیځ او مرکزي آسیا لپاره د پیسو د نړیوال صندوق رئیس
