د اکو د سوداګرۍ او پراختیا بانک (ETDB) د مدیره پلاوي د یو نوي یمې غونډې جوړیدل

Mpoya
شنبه ۱۴۰۰/۷/۲۴ - ۱۶:۳۱
د اکو د سوداګرۍ او پراختیا بانک (ETDB) د مدیره پلاوي د یو نوي یمې غونډې جوړیدل

د اکو د سوداګرۍ او پراختیا بانک (ETDB) د مدیره پلاوي یو نوي یمه غونډه د ۱۴۰۰ کال د تلې د میاشتې په ۲۲ نېټه ترسره شوه. په دې غونډه کې د اکو د سوداګرۍ او پراختیا بانک د رئیس او د هغه د مدیره پلاوي له غړو سربېره د غړو هېوادونو لکه افغانستان، پاکستان، ترکیه، ایران، آذربایجان او  قرغیزستان استازو ګډون درلوده. په دې غونډه کې لومړی د مدیره پلاوي د غړو لخوا مخکینۍ صورت جلسې تصویب شوې او ورپسې غړو هېوادونو ته د مالي او اعتباري اسانتیاوو او د دې بانک په مقررو او پالیسیو کې د راوړل شویو تعدیلاتو د تصویب په برخو کې له اجنډا سره سم بحث ترسره شو او په دې برخه کې لازمې لارښوونی وکړې.

د یادونې وړ ده چې دا بانک په سیمه کې د سوداګرۍ د پراختیا لپاره د مالي او اعتباري اسانتیاوو د رامنځ ته کولو، دودولو او وړاندې کولو او همدا ډول د اکو سازمان تر چتر لاندې د غړو هېوادونو د اقتصادي پراختیا د چټکتیا په موخه پرانېستل شوی چې د ترکیې په استانبول کې موقعیت لري. افغانستان هم په ۲۰۱۴ زیږدیز کال کې د هغه غړیتوب ترلاسه کړی دی او د هغه په غونډو کې په منظمه توګه ګډون کوي.

د افغانستان بانک تل هڅه کړې ده څو له نړیوالو او سیمه ایزو مالي سازمانونو سره د خپلو اړیکو د تأمینولو او ښه والي په برخه کې کوټلي ګامونه پورته کړي او د بانکي او مالي اسانتیاوو د برابرولو په برخه کې د پام وړ رول لوبولی دی.

وروستي خبرونه

یکشنبه ۱۴۰۴/۴/۸ - ۱۷:۲۸
Background image

د افغانستان بانک د سرپرست رئیس په مشرۍ پلاوی مراکش ته په سفر روان شو

۳ محرم‌ الحرام ۱۴۴۷ هـ ق – د افغانستان بانک سرپرست رئیس، ښاغلی نور احمد آغا، د یو لوړپوړي پلاوي په مشرۍ مراکش هېواد ته په سفر روان شو، څو د اسلامي مالي خدمتونو بورډ (IFSB) په کلنۍ. . .

شنبه ۱۴۰۴/۴/۷ - ۱۵:۲۱
Background image

د افغانستان بانک لومړي مرستیال د افغانستان او امریکا د سوداګرۍ خونې له رئیس سره ولیدل

۱۴۴۷ محرم الحرام ۲ مه - د افغانستان بانک لومړي مرستیال ښاغلي صدیق الله خالد په خپل کاري دفتر کې د افغانستان او امریکا د سوداګرۍ د ګډې خونې رئيس ښاغلي جیفري ګریکو سره ولیدل.

په دې. . .

یکشنبه ۱۴۰۴/۴/۱ - ۱۷:۵۲
Background image

د ټول هېواد په کچه د صرافانو سر تا سري ټولنې له استازو سره د غونډې جوړیدل

د ۱۴۴۶ کال ذوالحجة الحرام ۲۵ مه – د افغانستان بانک د لومړي مرستیال ښاغلي صدیق الله خالد په مشرۍ د صرافانو ټولنې له استازو سره غونډه جوړه شوه.

په دې غونډه کې د صرافانو پر ستونزو، حل. . .

بېرته خبرونه ته