د بانکي سکتور د لا ټینګښت په موخه د بهرني تفتیش د کمپنیو له استازو سره غونډه

Mpoya
پنجشنبه ۱۴۰۲/۳/۴ - ۱۴:۲۴
د بانکي سکتور د لا ټینګښت په موخه د بهرني تفتیش د کمپنیو له استازو سره غونډه

د ۱۴۴۴ کال د ذوالقعدة الحرام ۵ مه – د افغانستان بانک د بانکي څارنې د لوی آمر ښاغلي عبدالرحمن قانت په مشرۍ د سوداګریزو بانکونو د بهرني تفتیش کمپنیو له استازو سره د بانکي سکتور د لا ټینګښت او ټیکاو په موخه د همغږۍ غونډه جوړه شوه.

په یاده غونډه کې د بانکي سکتور د فعالیتونو، د دې سکتور د بهرني تفتیش، د بهرني تفتیش له کمپنیو سره د هغمغږۍ او د دوی د ستونزو او وړاندیزونو په اړه خبرې وشوې او د نظرونو تبادله تر سره شوه. په دې غونډه کې د افغانستان بانک د بانکي څارنې لوی آمر ښاغلي عبدالرحمن قانت د بهرني تفتیش د کمپنیو له استازو وغوښتل چې د بانکي سکتور د لا ټینګښت او ټیکاو په موخه په پوره استقلالیت سره خپلې چارې تر سره کړي او د تفتیش په چارو کې د نړیوالو اصولو او مقرراتو سره سم ټول معیارونه په پام کې ونیسي.

نوموړي له استازو وغوښتل تر څو د بهرني تفتیش کمپنۍ پر واقعیتونو ولاړ راپورونه له سوداګریزو بانکونو او د افغانستان بانک سره شریک کړي او په دې وسیله وکولای شي شته ستونزو ته په ښه ډول رسېدنه وشي.

باید وویل شي چې په دې غونډه کې د افغانستان بانک د بانکي څارنې د لوی آمریت مرستیالانو او د بهرني تفتیش د کمپنیو استازو ګډون درلود او د اړوندې موضوع په اړه یې د نظرونو تبادله تر سره کړه او د یادو کمپنیو استازو ته اړینې سپارښتنې وشوې.

د یادونې وړ ده چې د افغانستان بانک ژمن دی چې د مالي او بانکي سکتور د ټینګښت لپاره خپلې هلې ځلې جاري وساتي او پدې وسیله د هېواد مالي او بانکي سکتور د سیمې په کچه په غوره بانکي سکتور بدل کړي.

وروستي خبرونه

شنبه ۱۴۰۵/۸/۱۶ - ۱۶:۱۴
Background image

د افغانستان بانک خبرتیا

ټولو درنو هېوادوالو، د بانکي سکتور مشتریانو او اړوندو ذینفعانو ته خبر ورکول کیږي چې په افغانستان کې د فعالیت لرونکي الفلاح بانک د افغانستان د څانګې مالکیت، د افغانستان بانک تر څارنې. . .

شنبه ۱۴۰۵/۸/۹ - ۱۱:۴۶
Background image

د افغانستان بانک او د احصایې او معلوماتو عمومي ادارې ترمنځ د الکترونیکي تذکرو د معلوماتو شریکولو هوکړه‌لیک لاسلیک شو

د بانکي مشتریانو د هویت د تثبیت، د جعل او درغلۍ د مخنیوي او د بانکي خدمتونو د لا ښه وړاندې کولو په موخه، د افغانستان بانک او د احصایې او معلوماتو عمومي ادارې ترمنځ د الکترونیکي تذکرو د. . .

چهارشنبه ۱۴۰۵/۷/۸ - ۱۷:۱۴
Background image

د افغانستان بانک د عالي شورا غونډه ترسره شوه

د ۱۴۴۸ هـ.ق کال د ربیع الثاني ۱۷مه – د افغانستان بانک د عالي شورا غونډه د دې بانک د لومړي مرستیال، ښاغلي صدیق الله خالد، په مشرۍ چې په ورته وخت کې د افغانستان بانک د عالي شورا مرستیال. . .

بېرته خبرونه ته