د سوداګریزو بانکونو له استازو سره غونډه

Mpoya
یکشنبه ۱۴۰۰/۶/۷ - ۱۲:۴۴
د سوداګریزو بانکونو له استازو سره غونډه

۱۴۰۰ د وږي ۷ – د افغانستان بانک د سرپرست رئیس ښاغلي ملا عبدالقاهر ( محمد ادریس) په مشرۍ د سوداګریزو بانکونو له استازو سره د دې بانک په مرکزي دفتر کې غونډه جوړه شوه.

په دې غونډه کې د سوداګریزو بانکونو د چارو پر پیل، د بانکونو پر امنیت او د دې بانکونو ستونزو ته د حل لارو پر پیدا کولو خبرې وشوې، په یاده غونډه کې د افغانستان بانک سرپرست رئیس سوداګریزو بانکونو ته د هر ډول همکارۍ ډاډ ورکړ او یادونه یې وکړه چې د افغانستان بانک دروازې تل د دوی پر مخ پرانیستې دي.

ښاغلي ملا عبدالقاهر وویل، د افغانستان بانک له لوري سوداګریزو بانکونو ته د ورکړل شوي مکتوب پروسه چې له مخې یې پېرودونکي کولای شي په اونۍ کې ۲۰۰ امریکایي ډالر یا ۲۰ زره افغانۍ تر لاسه کړي دا پروسه لنډ مهاله ده.

باید وویل شي چې په یاده غونډه کې د افغانستان بانک د رهبري هیئت سربېره د افغانستان د سوداګریزو بانکونو د اتحادیې مسئولینو او د نوي کابل بانک، افغان ملي بانک، غضنفر بانک، پښتني بانک، د افغانستان نړیوال بانک، عزیزي بانک، میوند بانک، افغان یونایټډ بانک، د افغانستان اسلامي بانک، الفلاح بانک، د کوچنیو پورونو لومړنی بانک، د پاکستان نشنل بانک استازو ګډون کړی وو.

وروستي خبرونه

دوشنبه ۱۴۰۰/۷/۲۶ - ۱۶:۲۲
Background image

میلادالنبی صلی الله علیه وسلم مبارک

د افغانستان بانک مشرتابه پلاوی او کار کوونکي د ربیع الاول د میاشتې دولسمه چې د بشر د ستر لارښود حضرت محمد صلی الله علیه وسلم د زېږېدو ورځ ده، د افغانستان ټول شریف او متدین ملت ته مبارکي. . .

یکشنبه ۱۴۰۰/۷/۲۵ - ۱۵:۱۹
Background image

د بانکونو د ټولنې، سوداګریزو بانکونو او د برېښنا شرکت له استازو سره د ګډې غونډې جوړیدل

کابل، ۱۴۰۰ کال د تلې ۲۵ – د افغانستان بانک د بانکي عملیاتو لوی آمر ښاغلي عبدالواحد جبارخیل په مشرۍ د افغانستان بانک د عالي شورا د غونډو په دفتر کې د بانکونو د ټولنې، سوداګریزو بانکونو. . .

شنبه ۱۴۰۰/۷/۲۴ - ۱۶:۳۱
Background image

د اکو د سوداګرۍ او پراختیا بانک (ETDB) د مدیره پلاوي د یو نوي یمې غونډې جوړیدل

د اکو د سوداګرۍ او پراختیا بانک (ETDB) د مدیره پلاوي یو نوي یمه غونډه د ۱۴۰۰ کال د تلې د میاشتې په ۲۲ نېټه ترسره شوه. په دې غونډه کې د اکو د سوداګرۍ او پراختیا بانک د رئیس او د هغه د. . .

بېرته خبرونه ته