د افغانستان بانک د عالي شورا غونډه جوړه شوه

Mpoya
سه‌شنبه ۱۴۰۱/۹/۱۵ - ۱۶:۳
د افغانستان بانک د عالي شورا غونډه جوړه شوه

د 1444 د جمادي الاول 12مه - د افغانستان بانک عالي شورا چې د دې بانک د پرېکړو کولو تر ټولو لوړه مرجع ده، د اوسنیو شرایطو په پام کې نیولو سره د مناسبو پولي سیاستونو د پلي کولو او د بانکي سکتور د ټینګښت په اړه د خبرو اترو او پرېکړو کولو په موخه غونډه جوړه کړه چې دوې ورځې به دوام وکړي.

دا غونډه چې د افغانستان بانک د سرپرست رئیس ښاغلي عبدالقاهر (حاجي ادریس) په مشرۍ جوړه شوه، د افغانستان بانک د عالي شورا نورو غړو پکې په حضوري او آنلاین ډول ګډون درلود. په دې غونډه کې د افغانستان بانک د اجراآتو د څرنګوالي او له مخکې ټاکل شوو پروګرامونو د تحقق ترڅنګ د افغانستان د اقتصادي وضعیت، د پولي سیاست د پلي کېدو د څرنګوالي، د بانکي سکتور ټینګښت، د مالي نظام ټیکاو، د اداینو بهیر د ډیجیټل کولو، د خلکو لپاره د بانکي اسانتیاوو رامنځته کولو او د یو شمېر اداري موضوعاتو په اړه بحث وشو او د قانون د احکامو په رڼا کې لازمې پرېکړې وشوې.

د یادونې وړ ده چې د افغانستان بانک عالي شورا په ربعوار ډول کال کې څلور غونډې ترسره کوي او د بانک د سیاستونو، کړنو، اجراآتو او لاسته راوړنو په اړه پکې خبرې اترې او د نظرونو تبادله ترسره او د افغانستان بانک د کړنو او د هېواد مالي او بانکي نظام د پیاوړتیا لپاره په کې اړینې پرېکړې کېږي.

وروستي خبرونه

شنبه ۱۴۰۵/۸/۱۶ - ۱۶:۱۴
Background image

د افغانستان بانک خبرتیا

ټولو درنو هېوادوالو، د بانکي سکتور مشتریانو او اړوندو ذینفعانو ته خبر ورکول کیږي چې په افغانستان کې د فعالیت لرونکي الفلاح بانک د افغانستان د څانګې مالکیت، د افغانستان بانک تر څارنې. . .

شنبه ۱۴۰۵/۸/۹ - ۱۱:۴۶
Background image

د افغانستان بانک او د احصایې او معلوماتو عمومي ادارې ترمنځ د الکترونیکي تذکرو د معلوماتو شریکولو هوکړه‌لیک لاسلیک شو

د بانکي مشتریانو د هویت د تثبیت، د جعل او درغلۍ د مخنیوي او د بانکي خدمتونو د لا ښه وړاندې کولو په موخه، د افغانستان بانک او د احصایې او معلوماتو عمومي ادارې ترمنځ د الکترونیکي تذکرو د. . .

چهارشنبه ۱۴۰۵/۷/۸ - ۱۷:۱۴
Background image

د افغانستان بانک د عالي شورا غونډه ترسره شوه

د ۱۴۴۸ هـ.ق کال د ربیع الثاني ۱۷مه – د افغانستان بانک د عالي شورا غونډه د دې بانک د لومړي مرستیال، ښاغلي صدیق الله خالد، په مشرۍ چې په ورته وخت کې د افغانستان بانک د عالي شورا مرستیال. . .

بېرته خبرونه ته