د افغانستان بانک رئیس د خپل سفر پر دوام د فاریاب او آقینې له څانګو لیدنه وکړه
۱۴۴۶ د صفر المظفر ٣٠ مه – د افغانستان بانک د ټولو رئیس ښاغلي نور احمد آغا د خپل سفر په لړ کې د آقینې او فاریاب له څانګو لیدنه وکړه. د دې سفر موخه د افغانستان بانک له څانګو د نږدې لیدنه، خلکو ته غوره بانکي خدمتونه وړاندې کول، آسانتیاوې راوستل او د مالي خدمتونو پراختیا ده.
د افغانستان بانک رئیس ښاغلي نور احمد آغا د یادو څانګو له کار کوونکو سره د لیدنې پر مهال وویل، چې د افغانستان بانک ژمن دی، ترڅو د درنو هیوادوالو لپاره د غوره خدمتونو د وړاندې کولو، مالي خدمتونو د پراختیا او په دې برخه کې د آسانتیاوو د رامنځته کولولپاره زمینه برابره کړي. نوموړي د دې څانګو کاکوونکو ته د لازمو لارښونو تر څنګ له دوی وغوښتل چې خلکو ته غوره بانکي خدمتونه وړاندې کړي.
باید وویل شي چې د افغانستان بانک رئیس د خپل سفر په لړ کې له دې وړاندې د بامیان، میدان وردګ او غور ولایت له نمایندګیو لیدنې کتنې تر سره کړې دي.
