د خپلواکۍ د سلمې کلیزې په ویاړ لمانځغونډه او انځوریز نندارتون جوړ شو

Mpoya
Sun, Aug 18 2019 4:20 PM
د خپلواکۍ د سلمې کلیزې په ویاړ لمانځغونډه او انځوریز نندارتون جوړ شو

کابل، د ۱۳۹۸ کال د زمري ۲۷ مه –په افغانستان بانک کې د هېواد د خپلواکۍ د سلمې کلیزې په ویاړ لمانځغونډه او انځوریز نندارتون جوړ شو.

دا لمانځغونډه او انځوریز نندارتون چې د افغانستان بانک په مرکزي دفتر کې جوړ شوي وو، په کې د دې بانک د مشرتابه پلاوي سربېره د بېلابېلو آمریتونو آمرینو، مرستیالانو او کارکوونکو ګډون کړی وو.

په یاده غونډه کې د افغانستان بانک سرپرست او لومړي مرستیال ښاغلي واحدالله نوشېر هېوادوالو ته د افغانستان د خپلواکۍ د سلمې کلیزې د مبارکۍ ویلو ترڅنګ د آزادۍ په ارزښت او د شاه امان الله خان په اقتصادي فعالیتونو خبرې وکړې.

ښاغلي نوشېر زیاته کړه چې شاه امان الله خان په خپله لس کلنه دوره کې ګڼ شمېر اقتصادي فعالیتونه تر سره کړل او د هېواد د اقتصادي رغښت لپاره یې اوږد مهاله پلانونه جوړ کړل.

نوموړي د خپلو خبرو په بله برخه کې یادونه وکړه چې غازي امان الله خان د اقتصاد په برخه كې د صنايعو انكشاف ته پوره پام وكړ؛ د ملي اقتصاد په نوم یوه اداره یې رامنځته کړه؛ په هېوادکې د لومړي ځل لپاره کاغذي بانکنوټونه چاپ شول او ګڼ شمېر نور اقتصادي فعالیتونه تر سره شول.

په ورته وخت کې د افغانستان بانک دویم مرستیال ښاغلي محمد قسیم رحیمي هم د غونډې ګډونوالو او ټولو هېوادوالو ته د خپلواکۍ د سلمې کلیزې په ویاړ مبارکي وویله، د آزادۍ په ارزښت او اقتصادي پرمختګونو یې خبرې وکړې.

پاتې د نه وي چې د افغانستان بانک له لوري د خپلواکۍ د سلمې کلیزې په ویاړ جوړ شوي نندارتون کې بېلابېل انځورونه نندارې ته اېښودل شوي وو، چې د دې بانک د کارکوونکو ترې لیدنه وکړه.

د یادونې وړ ده چې د افغانستان بانک تر دې وړاندې هم د هېواد د خپلواکۍ د سلمې کليزې د را رسېدو په ویاړ دېته ورته ګڼ شمېر پروګرامونه په لاره اچولي دي.

Latest news

Wed, Jul 23 2025 4:50 PM
Background image

DAB Reports on Major Achievements, Performances Over Past Year

July 23, 2025 Officials from Da Afghanistan Bank (DAB) presented the institution’s key achievements over the past year during the Government Accountability to the Nation program at. . .

Wed, Jul 09 2025 12:44 PM
Background image

IFSB 23rd Annual Meeting in Rabat, Morocco

The Acting Governor of Da Afghanistan Bank, Noor Ahmad Agha, along with his accompanying delegation, participated in the 23rd annual meeting of the Islamic Financial Services Board. . .

Sun, Jun 29 2025 5:38 PM
Background image

DAB Governor Departs for Morocco to Attend IFSB Annual Session

June 29, 2025– The Governor of Da Afghanistan Bank, Noor Ahmad Agha, and his accompanying delegation have left the country to attend the annual session of the Islamic Financial Services. . .

BACK TO NEWS