په بانکي خدمتونو کې د آسانتیاوو د رامنځته کولو په اړه غونډه
کابل، ۱۳۹۸ کال د لړم ۲۳ مه – د افغانستان بانک د سرپرست او لومړي مرستیال ښاغلي واحدالله نوشېر په مشرۍ د سوداګریزو بانکو او سوداګرو ټولنې له استازو سره د بانکونو په خدمتونو کې د آسانتیاوو د رامنځته کولو په اړه غونډه جوړه شوه.
په دې غونډه کې د افغانستان بانک سرپرست او لومړي مرستیال ښاغلي واحدالله نوشېر د سوداګریزو بانکونو او سوداګرو له استازو سره د بانکونو د قوانینو او مقررو په اړه خبرې وکړې او د بانکي خدمتونو په برخه کې یې د لا زیاتو آسانتیاوو په رامنځته کولو ټینګار وکړ.
په یاده غونډه کې چې د سوداګریزو بانکونو او سوداګرو استازو هم په کې ګډون کړی وو، یادو استازو خپلې ستونزې د افغانستان بانک له سرپرست او لومړي مرستیال سره شریکې کړې.
د یادو استازو د خبرو له اورېدو وروسته د افغانستان بانک سرپرست او لومړي مرستیال ښاغلي واحدالله نوشېر د افغانستان د بانکونو ټولنې ته سپارښتنه وکړه چې د سوداګریزو بانکونو او سوداګرو ټولنې له استازو سره دېګډه غونډه جوړه کړي، ترڅو وکولای شي د ښو خدمتونو د وړاندې کولو په برخه کې غوره تګلارې رامنځته کړای شي.
باید وویل شي چې په دې غونډه کې د افغانستان بانک د بېلابېلو آمریتونود استازو سربېره د افغانستان د بانکونو د ټولنې، سوداګریزو بانکونو او سوداګرو ټولنې استازو هم ګډون کړی وو.
