د صرافانو د ټولنې له مسؤولینو سره د غونډې جوړول
کابل، ۱۳۹۸ د سلواغې ۱۶- د افغانستان بانک د سرپرست او لومړي مرستیال ښاغلي واحدالله نوشېر تر مشرۍ لاندې د صرافانو د ټولنې په ځانګړې توګه د پیسو وینځلو او د ترهګرۍ د تمویل پر وړاندې د مبارزې په برخه کې د ننګونو او ستونزو په اړه غونډه جوړه شوه.
په دې غونډه کې چې د افغانستان بانک د کنفرانسونو په تالار کې جوړه شوې وه، د افغانستان بانک سرپرست او لومړي مرستیال ښاغلي واحد الله نوشېر د صرافانو د ستونزو د حل په اړه خبرې وکړې او زیاته یې کړه چې د صرافانو د ستونزو د له منځه وړلو لپاره به د اړوندو قوانینو په رڼا کې حل لارې په پام کې ونیول شي.
د غونډې په پای کې پریکړه وشوه څو د افغانستان بانک د صرافانو د ټولنې او د پولي خدمتونو د مؤسسو د ستونزو د حل لپاره د هېواد د ملي امنیت له شورا سره ګډه غونډه جوړه کړي.
