د افغانستان بانک خبرتیا
د افغانستان بانک د بیو د ثبات په موخه له بیلابېلو لارو څخه کار اخلي چې د نن په ګډون یې د تیرو ورځو په ترڅ کې له صرافانو، د سوداګریزو بانکونو له استازو او یوشمیر سوداګرو سره بیلابیلي غونډې تر سره کړې دي او هڅه کوي چې ډیر ژر د ډالرو پر وړاندې د افغانۍ د بیې د ټیټوالي مخه ډب کړي.
د افغانستان بانک د شته امکاناتو په پام کې نیولو سره تل هڅه کړې ده چې د پالیسیو او ستراتيژيک پلان پر اساس د هغو نوسانونو څخه چې د خلکو د پېرودنې د قدرت د زیانمن کېدو لامل کېږي د امکان تر حده مخنیوی وکړي.
د افغانستان بانک هیله مند دی چې له اړوندو ادارو سره به په ګډه همکارۍ د افغانۍ د مبادلې د نرخ ساتنه وکړي او مثبته پایله به تر لاسه کړي.
