په ختیځ زون کې د صرافیو او پولي خدمتونو شرکتونو ته نوي جوازونه وویشل شول
۱۴۴۴ صفرالمظفر۱ مه - د افغانستان بانک د ختیځ سیمهیېز زون لخوا ننګرهار کې ۲۵ صرافانو او د پولي خدمتونو شرکتونو ته نوي جوازونه وویشل شول.
په هغو مراسمو کې چې په همدې مناسبت د افغانستان بانک په ختیځ زون کې جوړ شوي وو، د ختیځ زون آمر ښاغلي قاري وفي الله د صرافیو او د پولي خدمتونو د شرکتو د جوازونو په ارزښت خبرې وکړې او د دې زون له صرافانو او د پولي خدمتونو د وړاندې کوونکو شرکتونو څخه یې و غوښتل چې د خپلو چارو د پرمختګ او ښه والي په موخه د افغانستان بانک څخه نوي جوازونه تر لاسه کړي.
ښاغلي وفي الله یادونه وکړه چې د افغانستان بانک ژمن دی چې د قوانینو او مقرراتو په رڼا کې د صرافیو او پولي خدمتونو د وړاندې کوونکو د فعالیتونو د میکانیزه کولو لپاره اړینې اسانتیاوې رامنځته کړي.
