په د افغانستان بانک کې د اداینو د نویو سیستمونو (ATS (RTGS-ACH په اړه روزنیز پروګرام جوړ شو
د اداینو د لوی آمریت لخوا د اداینو آمریت، اړوندو آمریتونو او د سوداګریزو بانکونو ۹۲ تنه کارکوونکو ته په دوو پړاونو کې د ۱۳۹۸ کال د غبرګولي په ۲۷ او د چنګاښ په ۸ نېټو د اداینو د نویو سیستمونو (ATS (RTGS-ACH په اړه روزنیز پروګرام جوړ او په بریالیتوب سره بشپړ شو.
د (RTGS (Real Time Gross Settlement سیستم چې د بانکونو ترمنځ د سترو او چټکه معاملو ترسره کول رانغاړي چې د غوره کارکردګیو په ګډون په نړیوالو سټنډرډونو او معیارونو سمبال سیستم دی او د بانکونو ترمنځ د اداینو په برخه کې د بانکي نظام هر ډول اړتیاوو پوره کولای شي.
باید یادونه وشي چې د RTGS سیستم به (ACSS (Afghanistan Clearing Settlement System د اوسني سیستم ځای ونیسي. په همدې ترتیب د (ACH (Automated Clearing House سیستم د بانکونو ترمنځ کوچنۍ معاملې رانغاړي چې د غړو او د سیستم د مشترکینو ترمنځ کوچني اداینیز وسایل تبادله او سنجش کوي او په ټاکلي وخت کې خالصې تصفیې
(Net Settlement) ته چمتو کیږي او همدا ډول د بانکونو د حسابونو پوزیشن هم په یو ټاکلي وخت کې د RTGS په سیستم کې نهايي تصفیه کیږي چې په پای کې به د ACH سیستم د CH د اوسني سیستم ځای ناستی شي.
