د افغانستان بانک د اسعاري زیرمو د بهیر څرنګوالی
د افغانستان بانک اسعاري زیرمو د ۲۰۰۴ زیږدیز کال راپدېخوا لوړېدونکی بهیر درلودلی دی. په ۲۰۰۴ زیږدیز کال کې د افغانستان بانک ټولیزه اسعاري زیرمې ۱.۲۷ میلیارده امریکايي ډالره اټکل شوی ؤ چې د دې مبلغ ۳۰۶ میلیونه خالصه سرو زرو جوړاوه.
دم ګړی د افغانستان بانک ټولیزه اسعاري زیرمې شاوخوا ۸.۵۶ میلیارده امریکايي ډالرو ته رسېږي چې دا مبلغ د افغانستان بانک د اسعاري زیرمو تر ټولو لوړه کچه ګڼل کېږي.
اوس مهال د افغانستان بانک د اسعاري زیرمو پورتوفولیو د رمپ په پروژه کې ۲۲.۳۷ سلنه، بی آی اس ۴.۴۳ سلنه، د موده ایزو امانتونو ۴۵.۴۴ سلنه او د پورتوفولیو انډیکس ۰.۶۱ سلنې پانګې اچونې جوړوي چې د دې ترڅنګ له هېواد څخه بهر په بانکي حسابونو کې ۵.۱۰ سلنه، په خزانه کې ۴.۶ سلنه او د خالصه سرو زرو ارزښت ۱۲.۳۲ سلنه دي چې په نړیوال بازار کې د سرو زرو د هر اونس بیه شاوخوا ۱۵۰۲ امریکايي ډالره اټکل شوې ده.
د یادولو وړ ده چې د افغانستان د ریزرف په برخه کې د شته ظرفیتونو په کارولو سره د بازار د عملیاتو آمریت توانیدلی دی چې په نړیوال بازار کې له شته فرصتونو څخه په داسې بڼه ګټه پورته کړي چې له یوې خوا د شتمنیو او پانګو اچونو خوندیتوب تضمین شي او له بلې خوا د افغانستان بانک د پانګه اچونو له لارې لا زیاته ګټه او عواید ترلاسه کړي.
