د افغانستان بانک د رئیس او مرستیالانو پېژند غونډه

Mpoya
چهارشنبه ۱۴۰۰/۶/۳ - ۱۲:۲۳
د افغانستان بانک د رئیس او مرستیالانو پېژند غونډه

۱۴۰۰ د وږي لومړۍ – د افغانستان بانک ریيس او مرستیالان د دې بانک کارکوونکو ته ور وپېژندل شول. په هغه غونډه کې چې په همدې مناسبت جوړه شوې وه د کلام الله مجید د څو مبارکو آیاتونو په تلاوت سره پیل شوه.

په دې غونډه کې ښاغلی مولوي عبدالقاهر  چې په حاجي محمد ادریس سره مشهور دی د افغانستان بانک د رئیس په توګه، مولوي عبدالقدیر مشهور په احمد او مولوي نور احمد آغا د دې بانک د مرستیالانو په توګه د ا.ا.ا د جلالتماب امیرالمومنین د نائب مولوي محمد یعقوب مجاهد د استازي له لوري معرفي شول.

د دغې غونډې په لړ کې د افغانستان بانک رئیس ښاغلي مولوي عبدالقاهر د ا.ا.ا بریا د لوی خدای ج نصرت یاد کړ او د دې لویې بریا مبارکي یې د هېواد ټول شریف ملت ته وویله.

د غونډې په اوږدو کې د افغانستان بانک رئیس په د افغانستان بانک کې د کار او خدمت پر پیل خوښي وښوده او ژمنه یې وکړه چې په هېواد کې به د مالي او بانکي چارو د لا پیاوړتیا په موخه په پوره امانتدارۍ سره کار کوي.

د افغانستان بانک رییس د افغانستان بانک ټولو کارکوونکو ته ډاډ ورکړ، چې له هر ډول اندېښنې پرته به خپلو دندو ته په تدریجي ډول را وغوښتل شي.

وروستي خبرونه

سه‌شنبه ۱۴۰۴/۴/۱۰ - ۱۵:۵۹
Background image

د افغانستان بانک 15 میلیونه امریکايي ډالره لیلاموي

1447 محرم‌ الحرام 5 مه - د افغانستان بانک غواړي چې د 1447 کال د محرم‌ الحرام د میاشتې په 6 نېټه (1404/04/11) د چهار شنبې پر ورځ د داوطلبۍ له لارې د (15) میلیونه امریکايي ډالرو پورې مبلغ. . .

یکشنبه ۱۴۰۴/۴/۸ - ۱۷:۲۸
Background image

د افغانستان بانک د سرپرست رئیس په مشرۍ پلاوی مراکش ته په سفر روان شو

۳ محرم‌ الحرام ۱۴۴۷ هـ ق – د افغانستان بانک سرپرست رئیس، ښاغلی نور احمد آغا، د یو لوړپوړي پلاوي په مشرۍ مراکش هېواد ته په سفر روان شو، څو د اسلامي مالي خدمتونو بورډ (IFSB) په کلنۍ. . .

شنبه ۱۴۰۴/۴/۷ - ۱۵:۲۱
Background image

د افغانستان بانک لومړي مرستیال د افغانستان او امریکا د سوداګرۍ خونې له رئیس سره ولیدل

۱۴۴۷ محرم الحرام ۲ مه - د افغانستان بانک لومړي مرستیال ښاغلي صدیق الله خالد په خپل کاري دفتر کې د افغانستان او امریکا د سوداګرۍ د ګډې خونې رئيس ښاغلي جیفري ګریکو سره ولیدل.

په دې. . .

بېرته خبرونه ته