د افغانستان بانک لومړی مرستیال خلکو ته د معیاري مالي او بانکي خدمتونو وړاندې کولو په اړه ټینګار وکړ

Mpoya
شنبه ۱۴۰۴/۱/۳۰ - ۱۲:۲۳
د افغانستان بانک لومړی مرستیال خلکو ته د معیاري مالي او بانکي خدمتونو وړاندې کولو په اړه ټینګار وکړ

۱۴۴۶ شوال المکرم ۲۱مه - د افغانستان بانک لومړي مرستیال ښاغلي صدیق الله خالد او مل پلاوي بلخ ولایت ته د خپل سفر په لومړۍ ورځ د شمال زون له همکارانو سره ولیدل او د کارونو ارزونه یې وکړه.

په دې لیدنه کې د افغانستان بانک لومړي مرستیال ښاغلي صدیق الله خالد د دې بانک له مختلفو برخو لیدنه وکړه او د دې زون کارکوونکو ته یې سپارښتنه وکړه چې درنو هېوادوالو ته معیاري بانکي خدمتونه وړاندې کړي. نوموړي د شمال زون له خزانې څخه هم لیدنه وکړه او مندرسو بانکنوټونو د راټولونې په اړه یې د اړوندې برخې کارکوونکو ته لازمې لارښونې وکړې.

دغه راز، ښاغلي خالد له کارکوونکو سره د نږدې خبرو پر مهال د کاري ستونزو، وړاندیزونو او اړتیاوو په اړه معلومات واخیستل او ډاډ یې ورکړ چې د مرکزي دفتر له لارې به د حل لارو هڅه وشي. نوموړي ټینګار وکړ چې د افغانستان بانک مشرتابه د شفاف، حساب ورکوونکي او خلکو ته عصري سیستمونو د رامنځته کولو لپاره ژمن دی.

د یادونې وړ ده چې د افغانستان بانک د لومړي مرستیال ښاغلي صدیق الله خالد په مشرۍ یو پلاوي چې د ریاست د دفتر لوی آمر ښاغلی فدا محمد فیضان او د بېلابېلو آمریتونو آمرین او مرستیالان یې ملتیا کوي بلخ ولایت ته سفر کړی دی، چې د یکشنبې په ورځ به مالي خدمتونو ته د آسانه لاسرسي، وړو مالي تمویلاتو او برېښنایي اداینو په اړه  په یاد ولایت کې لویه ولسي غونډه ولري.

وروستي خبرونه

شنبه ۱۴۰۵/۸/۱۶ - ۱۶:۱۴
Background image

د افغانستان بانک خبرتیا

ټولو درنو هېوادوالو، د بانکي سکتور مشتریانو او اړوندو ذینفعانو ته خبر ورکول کیږي چې په افغانستان کې د فعالیت لرونکي الفلاح بانک د افغانستان د څانګې مالکیت، د افغانستان بانک تر څارنې. . .

شنبه ۱۴۰۵/۸/۹ - ۱۱:۴۶
Background image

د افغانستان بانک او د احصایې او معلوماتو عمومي ادارې ترمنځ د الکترونیکي تذکرو د معلوماتو شریکولو هوکړه‌لیک لاسلیک شو

د بانکي مشتریانو د هویت د تثبیت، د جعل او درغلۍ د مخنیوي او د بانکي خدمتونو د لا ښه وړاندې کولو په موخه، د افغانستان بانک او د احصایې او معلوماتو عمومي ادارې ترمنځ د الکترونیکي تذکرو د. . .

چهارشنبه ۱۴۰۵/۷/۸ - ۱۷:۱۴
Background image

د افغانستان بانک د عالي شورا غونډه ترسره شوه

د ۱۴۴۸ هـ.ق کال د ربیع الثاني ۱۷مه – د افغانستان بانک د عالي شورا غونډه د دې بانک د لومړي مرستیال، ښاغلي صدیق الله خالد، په مشرۍ چې په ورته وخت کې د افغانستان بانک د عالي شورا مرستیال. . .

بېرته خبرونه ته