د خصوصي سکټور د پراختیا د لومړۍ کاري ډلې یوولسمه غونډه جوړه شوه
کابل، د ۱۳۹۸ کال د وږی ۴ مه– د افغانستان بانک د دویم مرستیال ښاغلي محمد قسیم رحیمي په مشرۍ د خصوصي سکټور د لومړۍ کاري ډلې یوولسمه غونډه جوړه شوه.
دا غونډه چې د افغانستان بانک د عالي شورا په تالار کې جوړه شوې وه په کې د (۵۰/۵) عمل پلان د دویمې مرحلې په وروستي کولو او د PSD NPP په ارزښت ټاکنه او یو شمېر نورو برخو خبرې اترې وشوې او د ګډونوالو تر منځ د نظرونو تبادله تر سره شوه.
په یاده غونډه کې ښاغلي رحیمي د خصوصي سکتور په برخه کې د همکارو ادارو تر منځ په لا همغږۍ ټينګار وکړ او په دې برخه کې یې د یادو ادارو ترمنځ همکاري د خورا ارزښت وړ یاده کړه.
په دې غونډه کې د خصوصي سکټور د پراختیا د لومړۍ کاري ډلې غړو هم ګډون کړی وو، پرېکړه وشوه چې د خصوصي سکتور د پراختیا (پرایسک) په راتلونکې غونډه کې به د ترسره شویو پرمختګونو په اړه هر اړخیز پریزنتیشن وړاندې شي.
د یادونې وړ ده چې د افغانستان بانک تل هڅه کړی ده چې په هېواد کې خصوصي سکټور پرمختګ وکړي او دا بانک له بېلابېلو لارو د خصوصي سکټور د پیاوړتیا لپاره زمینه برابره کړي.
