د افغانستان بانک خبرتیا!
د افغانستان بانک د هېواد د پولي بازارونو د لا ښه تنظیمولو لپاره په شرایطو برابرو اشخاصو ته د شرکت تر عنوان لاندې د صرافیو او پولي خدمتونو د فعالیت جوازونه صادر کړي دي. دا شرکتونه اړ دي څو له پلي کېدونکو قوانینو او مقرراتو سره سم فعالیت وکړي. د هېواد په ټولو پولي بازارونو کې له جواز پرته د اشخاصو فعالیت منع او غیر قانوني دی. له همدې امله له ګرانو هېوادوالو څخه غوښتل کېږي څو د قوانینو او مقرراتو د پلي کېدو او د خپلو پولي معاملو د خوندیتوب په موخه جواز نه لرونکو اشخاصو سره د معاملو له ترسره کولو په جدي توګه ډډه وکړي او خپله ملي دنده ترسره کړي.
