د افغانستان بانک د سرپرست رئیس په مشرۍ د اټیالیا هېواد له سفیرې سره لیدنه
۱۴۴۵ د رمضان المبارک ۹ مه – د افغانستان بانک د سرپرست رئیس ښاغلي هدایت الله بدري په مشرۍ د افغانستان لپاره د ایټالیا هېواد سفیرې آغلې نتالیا او مل پلاوي سره لیدنه تر سره شوه.
په یاده لیدنه کې د افغانستان بانک د ټولو سرپرست رئیس ښاغلي هدایت الله بدري د هېواد د اقتصادي وضعیت، افغانۍ د ثبات ساتنې پر عواملو، بانکي سکتور د وضعیت، اسلامي بانکوالۍ د پراختیا، مالي شمولیت او یو شمېر نورو اړوندو موضوعاتو په اړه مفصلې خبرې کړې او زیاته یې کړه چې د افغانستان بانک د قوانینو او مقرراتو په رڼا کې د نړۍ له ټولو هېوادونو، مالي او بانکي بنسټونو سره د غوره اړیکو غوښتونکی دی او په تېرو څه باندې دوه نیمو کلونو کې یې دا اړیکې په ښه ډول پاللې دي.
په دې لیدنه کې د افغانستان لپاره د ایټالیا هېواد سفیرې آغلې نتالیا هم د افغانستان اقتصادي او پولي ثبات د ارزښت وړ یاد کړ او په اړوندو برخو کې یې له خپله اړخه د همکارۍ ژمنه وکړه.
