د افغانستان بانک او د تدارکاتو ملي ادارې ترمنځ د معلوماتو د ادلون بدلون په اړه هوکړه لیک لاسلیک شو
کابل، 1397 د مرغومی 4- د افغانستان بانک د مالي معاملاتو او راپورونو د څیړنې مرکز او د افغانستان د چارو ادارې عمومي ریاست د تدارکاتو ملي ادارې تر منځ د معلوماتو د ادلون بدلون د همکارۍ هوکړه لیک لاسیک کړ.
د افغانستان بانک لوي رئیس ښاغلي خلیل صدیق وویل چې د دي هوکړه لیک د لاسلیک کولو موخه د معلوماتو ادلون بدلون، د اطلاعاتو شریک کول، دپیسو وینځلو او د جرایمو څخه د تر لاسه شویو عوایدو مخنیوي دي.
ښاغلي صدیق زیاته یي کړه چې د افغانستان بانک تل هڅه کړې ده څو د اداري فساد او د هغو تهدیداتو سره چې د هېواد د پرمختک د خنډ لاره کرځي په کلکه سره مبارزه وکړي څو د رڼې مالي معاملاتو لپاره زمینه برابره شي.
ورپسي د افغانستان د تدارکاتو د ملي ادارې رئیس ښاغلي الهام عمر وویل چې د افغانستان د تدارکاتو ملي ادارې هڅه کوې څو د تدارکات په بهیر کې روڼتیا رامنځ ته شي او د هغو شرکتونو چې غواړي د خپلو پیسو د سپینولو په موخه د قراردادنو د ترلاسه کولو لپاره هڅه کوي، مخنیوي وشي.
د یادونې وړ ده چې په دي پروګرام کې د افغانستان بانک لومړي مرستیال ښاغلي واحد الله نوشیر د افغانستان بانک دویم مرستیال ښاغلي محمد قسیم رحیمي، د افغانستان بانک د مالي معاملاتو د راپورونو د څیړنې مرکز آمر ښاغلي نثار احمد یوسفزي، د افغانستان د بېلا بېلو آمریتونو آمرین او د تدارکاتو د ملي ادارې د رئیس ورسره پلاوې هم کډون کړې وو.
