د افغانستان بانک د لوی ریاست د سرپرست کړنې وستایل شوې
۱۳۹۹ د وږي ۳- د افغانستان بانک د لوی ریاست سرپرست، ښاغلی اجمل احمدي د صرافانو او پولي خدمتونو د سرتاسری ټولنې لخوا وستایل شو.
د هېواد د صرافانو او پولي خدمتونو د ټولنې غړو د یو غونډې په ترڅ کې د افغانستان بانک د لوی ریاست د سرپرست کړنې وستایلې او د صرافۍ او پولي خدمتونو په برخه کې شوي پرمختګونه یې د نوموړي د بې درېغه هلو ځلو او دوامداره هڅو پایله یاده کړه.
د افغانستان بانک د لوی ریاست سرپرست د صرافانو د ټولنې مسؤلینو سره د لا ډیرو همکاریو ژمنه وکړه او زیاته یې کړه چې د افغانستان بانک د صرافۍ او پولي خدمتونو په کړنو کې د لا ډیرو اسانتیاوو، ښه وضعیت او زیاتې همغږۍ د رامنځته کولو غوښتونکی دی.
د افغانستان بانک د لوی ریاست سرپرست، ښاغلي اجمل احمدي په خپلو خبرو کې زیاته کړه چې په وروستیو دوو میاشتو کې په د افغانستان بانک کې د جواز ورکولو په برخه کې د دې ټولنې او د افغانستان بانک ترمنځ لا ډیره همغږي او نورې اړینې اسانتیاوې رامنځته شوي دي.
په دې غونډه کې د صرافانو او پولي خدمتونو د سرتاسري ټولنې مسؤلینو د افغانستان بانک له رهبرۍ سره د هر ډول همکارۍ ژمنه وکړه او په دې برخه کې یې د ښاغلي احمدي کړنې وستایلې.
د غونډې په پای کې د افغانستان بانک د لوی ریاست سرپرست ته د یادې ټولنې د مسؤلینو لخوا د اعزاز لونګۍ او چپن ډالې شوه.
