د تېرې فاسدې ادارې د ځینو اشخاصو څخه تر لاسه شوې نغدې پیسې د مالیې وزارت ځانګړي حساب ته ولېږدول شوې

Mpoya
یکشنبه ۱۴۰۰/۷/۱۸ - ۱۵:۲۵
د تېرې فاسدې ادارې د ځینو اشخاصو څخه تر لاسه شوې نغدې پیسې د مالیې وزارت ځانګړي حساب ته ولېږدول شوې

۱۴۰۰ د تلې ۱۷ مه – د افغانستان بانک هغه نغدې پیسې چې د ا.ا.ا د مسئولینو له لوري په پنجشیر، خوست، کابل او لوګر ولایتونو کې نیول شوې وې او د دې بانک په خزانه کې ساتل کېدې د مالیې وزارت ځانګړي حساب ته (۳۰۰۰۲۰۸۲۰۳۰۴۱) ته ولېږدول شوې.

هغه مهال چې دا پیسې د افغانستان بانک ته سپارل کېدې د افغانستان بانک مسئولینو یادونه کړې وه چې د ا.ا.ا کسان امانتداره او ژمن خلک دي او پر همدې بنسټ ټولې نیول شوې نغدې پیسې چې په خوندي ډول د افغانستان بانک خزانې ته سپارل شوې وې د مالیې وزارت حساب ته ولېږدول شوې.

د پیسو ډول او کچه:

۸۶،۱۶۴،۳۵۰ افغانۍ

۱۵،۹۹۵،۳۷۷ امریکایي ډالر

۷،۴۵۰ یورو

۳۰،۳۵۰ هندۍ کلدارې

۳۰۰ د عربو د متحده اماراتو درهم

باید وویل شي یوه اندازه سره زر چې د یادو پیسو سره یو ځای نیول شوي وو، د افغانستان بانک په خزانه کې د امانت په ډول ساتل کېږي. د یادونې وړ ده چې د افغانستان بانک د دولت د بانکدار په توګه ژمن دی چې له امانتونو په ښه ډول ساتنه وکړي او کړې ده چې د اړتیا پر مهال یې د قانون په رڼا کې اړوندو ادارو ته وسپاري.

وروستي خبرونه

سه‌شنبه ۱۴۰۰/۹/۱۶ - ۱۶:۳۴
Background image

د هېواد د بانکي سکتور په تړاو د افغانستان بانک خبرتیا

څرنګه چې ګران هېوادوال په جریان کې دي، سوداګریز بانکونه په ټولیزه توګه فعال او د بانکي خدمتونو په وړاندې کولو بوخت دي او د نقدینه ګۍ د وضعیت د ښه والي پر بنسټ انفرادي مشتریانو ته د نغدو. . .

سه‌شنبه ۱۴۰۰/۹/۱۶ - ۱۶:۳۰
Background image

د صرافانو د ټولنې له استازو سره غونډه

۱۴۰۰ د لیندۍ ۱۶ مه– د افغانستان بانک د لومړي مرستیال ښاغلي نوراحمد آغا په مشرۍ د صرافانو د ټولنې له استازو سره غونډه جوړه شوه.

په دې غونډه کې د افغانۍ د ارزښت ساتنې، د افغانستان بانک. . .

سه‌شنبه ۱۴۰۰/۹/۱۶ - ۱۳:۳۸
Background image

د افغانۍ د ثبات په اړه د افغانستان بانک هڅې

د افغانستان بانک د مبادلې د نرخ له متحول مدیریت شوي رژیم څخه ګټه اخلي، چې په دې ډول رژیم کې د مبادلې په نرخ کې د نوسانونو رامنځته کېدل یو حتمي امر دی، لکه څرنګه چې د سیمې یو شمېر. . .

بېرته خبرونه ته