د مالي خدمتونو د پراختیا د ملي ستراتيژۍ د پلي کېدو دویمه غونډه
کابل، ۱۳۹۸ کال د کب ۱۴ مه – د افغانستان بانک د مالي خدمتونو د پراختیا د لوی آمریت په مشرۍ د مالي خدمتونو د پراختیا د ملي ستراتيژۍ د څلورګوني ډلې دویمه غونډه جوړه شوه.
په یاده غونډه کې اړوندو ادارو ته د سپارل شویو دندو د پلي کېدو، په دې برخه کې د همغږۍ د رامنځته کولو او د کاري پلان د څرنګواليپه اړه خبرې اترې وشوې او د یادې موضوع په اړه لازمې پرېکړې ونیول شوې.
باید وویل شي چې د مالي خدمتونو د پراختیا د ملي ستراتيژۍ لومړۍ غونډه یوه میاشت وړاندې جوړه شوې وه چې په کې د اړوندو ادارو ترمنځ د دندو پر وېش او دغه راز پر یو شمېر نورو موضوعګانو خبرې شوي وې.
د یادونې وړ ده چې د مالي خدمتونو د پراختیا د ملي ستراتيژۍ د پلي کېدو په دې ډله کې د افغانستان بانک د یو شمېر اړوندو ادارو پر استازو سربېره د مالیې، اقتصاد، کلیو د پراختیا، اوبولګولو او مالدارۍ وزارتونو او بانکونو د ټولنې استازي شامل دي.
