رسنیزه اعلامیه
۱۳۹۹ د سلواغې ۱۸
د افغانستان بانک له نړیوالو شریکانو سره د کړو ژمنو پر بنسټ او د پیسو وینځلو او ترهګرۍ د تمویل پر وړاندې د مبارزې په موخه د صرافانو او پولي خدمتونو د وړاندې کوونکو شرکتي کول تر لاس لاندې نیولي دي.
شرکتي ته د انفرادي صرافیو او پولي خدمتونو وړاندې کوونکو د حقوقي جوړښت بدلول کوم ستونزمن کار نه ده، بلکه اکثرو صرافانو لپاره انفرادی او شرکتی ورته پروسه ده. شرکتی جوازونه ډېرې اسانتیاوې هم لري چې ځینو ته یې په لاندې توګه اشاره شوې ده.
- تاسو د شرکتي جواز په ترلاسه کولو سره یوازی ثابته مالیه ورکوی،
- شرکتی جواز د کلنی بیلانس وړاندې کولو ته اړتیا نه لري،
- شرکتی جواز اوس څو نفری د نظار پلاوي ته اړتیا نلري، یوازی مالک د جواز کولی شی د نظار پلاوي و اووسی،
- شرکتي جواز د اعتبار د ختمیدو نېټې پرته ورکول کیږي،
- د شرکتي جواز په اخیستلو سره کولای شئ د هېواد په هر ګوټ کې نماینده ګي پرانیزئ
- هغه کسان چې شرکتي جوازونه اخلي د سر تضمین او لوړو زده کړو ته اړتیا نلري،
په همدې موخه، د افغانستان د ټولو صرافانو او پولي خدمتونو وړاندی کوونکو څخه غوښتنه کوو څو له دې ملی بهیره ملاتړ وکړي، شرکتی جوازونه واخلی او له اسانتیاوو یی برخمن شی. د یادولو وړ ده چی د صرافانو د سرتاسري اتحادیی او سرای شهزاده رهبری اکثرو شرکتی جوازونه اخیستی دی. د افغانستان بانک په تیرو څو هفتو کی د سلو په شاوخوا کی شرکتی جوازونه صادر کړي او اوس هم دا پروسه د هیواد په ګوټ ګوټ کی دوام لري.
په هره طریقه او هره وسیله د دې بهیر سبوتاژ کول د هېواد د ملي ګټو پر ضد دي.
