په اداره کی بدلون یو اصل دی
کابل، د ۱۳۹۹ کال د وری ۱۷مه– د افغانستان بانک د مالي او بانکی انستیتیوت او د افغانستان بانک د مالی خطراتو عمومی آمرین د بانک کارکوونکو ته ورو پېژندل شول.
په هغه غونډه کې چې په همدې تړاو جوړه شوې وه، د افغانستان بانک دویم مرستیال ښاغلي محمد قسیم رحیمی په ادارو کې تغییر او بدلون یو اصل یاد کړ او یادونه یې وکړه چې همدې اصل ته په کتو سره ښاغلی لطف الحق نور پسرلی د افغانستان بانک د مالی خطراتو د عمومی آمر او ښاغلی عبدالعزیز مومند د افغانستان د مالي او بانکی انستیتیوت د عمومی آمر په توګه ټاکل شوي دي.
له دې وړاندې ښاغلي پسرلی د مالي او بانکی انستیتیوت د عمومی آمر او ښاغلي مومند د مالی خطراتو د عمومی آمر په توګه د دې بانک په اډانه کې دندې تر سره کولې.
د افغانستان بانک دوم مرستیال هیله وښوده چې په دې سره به په چارو کې د پخوا په پرتله لا زیات پرمختګونه رامنځته شي.
نوموړي په تېر کې د افغانستان بانک په اډانه کې د یادو کسانو له چارو او بریالیتوبونو ستاینه وکړه او زیاته یې کړه چې په ادارو کې تغییر او تبدیل د چارو د ښه والي په موخه رامنځته کېږي.
