د سوداګریزو بانکونو له استازو سره غونډه
۱۴۰۰ د زمري ۲۳ - د افغانستان بانک د سرپرست ښاغلي اجمل احمدي په مشرۍ د سوداګریزو بانکونو له مسئولینو سره غونډه جوړه شوه.
په دې غونډه کې ښاغلي اجمل احمدي د هېواد د مالي او بانکي سکتور د ټولیز وضعیت په اړه خبرې وکړې او ویې ویل، متاسفانه په دې وروستیو ورځو کې د هېواد امنیتي وضعیت فوق العاده دی چې له دې ستونزو سره یو ځای د بانکونو پېرودونکي بانکونو ته زیاته مراجعه کوي او د دې چارې مدیریت یو شمېر ستونزې رامنځته کړې دي.
په همدې اړه د هېواد بانکي سکتور له د افغانستان بانک سره په همغږۍ چې له بانکونو څخه د څارنې یوازینۍ مرجع ده، د یادې ستونزې د هواري په موخه غونډه جوړه کړه، څو په ګډه سره یاده ستونزه حل کړي. د افغانستان بانک د افغانستان خلکو ته د بانکي سکتور د ټیکاو او ټینګښت په اړه ډاډ ورکوي.
