د افغانستان بانک سرپرست رئیس خپل کاري دفتر ته راستون شو
۱۴۴۵ کال د ربیع الاول ۱۹مه – د افغانستان بانک سرپرست رئیس ښاغلی هدایت الله بدري خپل کاري دفتر ته راستون شو.
ښاغلي هدایت الله بدري څه موده وړاندې هرات ولایت ته یو رسمي سفر درلود چې د موټر چپه کېدو پېښه کې ټپي شو، نوموړی تر درملنې وروسته نن خپل کاري دفتر ته راستون شو او رسماً یې دنده پیل کړه.
د افغانستان بانک ذینفع شریکانو او درنو هېوادوالو ته ډاډ ورکوي چې د دې بانک مشرتابه پلاوی په هر حالت کې د خلکو د خدمت، غوره مالي او بانکي خدمتونو د برابرولو لپاره ژمن دی.
