د افغانستان بانک له ګردښت څخه ایستل شوي مندرس بانکنوټونه وسوځول

Mpoya
دوشنبه ۱۴۰۴/۱۱/۱۳ - ۱۷:۱۱
د افغانستان بانک له ګردښت څخه ایستل شوي مندرس بانکنوټونه وسوځول

د ۱۴۴۷ کال د شعبان المعظم ۱۴مه - د افغانستان بانک په راکړو ورکړو کې د آسانتیاوو رامنځته کولو په موخه له اړوندو کړنلارو سره سم د ۵۸۸،۱۴۰،۰۰۰ (پنځه سوه اته اتیا میلیونه او یو سل و څلویښت زره) افغانیو په ارزښت له بازار څخه راټول شوي د افغانۍ زاړه بانکنوټونه دافغانستان بانک دویم مرستیال ښاغلي مُلا محمد آخند په مشرۍ د ګمارل شوي پلاوي تر څارنې لاندې له کره شمېرنې او کنټرول څخه وروسته د کابل ولایت په ده سبز ولسوالۍ کې وسوځول. په دې بانکنوټونو کې د (۱۰، ۲۰، ۵۰، ،۵۰۰،۱۰۰) افغانیو انواعیې شاملې وې.

د افغانستان بانک دویم مرستیال ښاغلي مُلا محمد آخند وویل چې دافغانستان بانک ژمن دی ترڅو د آسانه او ډاډمنو اقتصادي معاملاتو د ترسره کولو په موخه وخت په وخت له بازار څخه د افغانۍ زاړه او نامناسبه بانکنوټونه راټول او له اړوندو کړنلارو سره سم یې له منځه یوسي. هغه زیاته کړه چې د مندرسو بانکنوټونو په بدل کې بازار ته نوي بانکنوټونه تزریق کیږي ترڅو هېوادوال وکولای شي پرته له ځنډ او خنډ څخه خپلې ورځنۍ معاملې ترسره کړي. ښاغلي مُلا محمد آخند له هېوادوالو څخه وغوښتل چې د افغانۍ د بانکنوټونو د سمې کارونې په برخه کې خپل مسئولیت ادا کړي ترڅو بانکنوټونه له ټاکلې مودې څخه مخکې زاړه نشي.

د یادونې وړ ده چې دا بانکنوټونه د عدلیې او مالیې وزارتونو او د امنیتي ادارو استازو په شتون کې له بارولو څخه وروسته د ټاکل شوي پلاوي لخوا مخصوصو بټیو ته لیږدول کیږي او په یو وار سوځول کیږي.

وروستي خبرونه

چهارشنبه ۱۴۰۵/۷/۸ - ۱۷:۱۴
Background image

د افغانستان بانک د عالي شورا غونډه ترسره شوه

د ۱۴۴۸ هـ.ق کال د ربیع الثاني ۱۷مه – د افغانستان بانک د عالي شورا غونډه د دې بانک د لومړي مرستیال، ښاغلي صدیق الله خالد، په مشرۍ چې په ورته وخت کې د افغانستان بانک د عالي شورا مرستیال. . .

یکشنبه ۱۴۰۵/۷/۵ - ۱۵:۱
Background image

د افغانستان بانک او اې سي جي ایف ترمنځ د همکارۍ هوکړه‌لیک لاسلیک شو

۱۴ د ربیع الثاني ۱۴۴۸ کال - د افغانستان بانک او د افغان اعتباري بنسټ نړیوالې مؤسسې ترمنځ د همکارۍ هوکړه‌لیک لاسلیک شو. د دغه هوکړه‌لیک د لاسلیک په موخه د افغانستان بانک د عالي شورا په. . .

یکشنبه ۱۴۰۵/۶/۲۹ - ۱۴:۲۵
Background image

د مندرسو بانکنوټونو بېلګې

هغه بانکنوټونه چې لاندې ذکر شوې ځانګړتیاوې ولري، مندرس بانکنوټونه ګڼل کیږي او د بدلېدو وړ دي:

ګران هېوادوال کولای شي چې په مرکز او ولایتونو کې دا ډول بانکنوټونه د افغانستان بانک او د. . .

بېرته خبرونه ته