د افغانستان بانک د عالي شورا غونډه جوړه شوه

Mpoya
سه‌شنبه ۱۴۰۴/۷/۱۵ - ۱۷:۱۳
qwe

د افغانستان بانک د عالي شورا غونډه د افغانستان بانک د رئیس ښاغلي نور احمد آغا په مشرۍ چې په ورته وخت کې د دې بانک د عالي شورا مشر هم دی جوړه شوه.

د غونډې په پیل کې ښاغلي نور احمد آغا د پولي سیاستونو د اغېزناک تطبیق، د بانکوالۍ سکتور د عمومي وضعیت، په هېواد کې د اسلامي بانکوالۍ د پراختیا د هڅو، د صرافیو او پولي خدمتونو د فعالیتونو د میکانیزه کولو، او مالي خدمتونو ته د خلکو د آسان لاسرسي په اړه مفصلې څرګندونې وکړې.

نوموړي څرګنده کړه چې په تېر یو کال کې افغانۍ د ډالر پر وړاندې خپل ارزښت ثابت ساتلی او د سیمې او نړۍ د ډېرو هېوادونو د اسعارو په پرتله د ښه کېدو په حال کې ده. هغه زیاته کړه چې د بانکونو د شتمنیو، مدیریت او نقدینګۍ وضعیت په وروستیو میاشتو کې د پام وړ ښه شوی دی.

وروسته د افغانستان بانک اړوندو سکتوري آمریتونو د ۱۴۰۳ لمریز کال د وروستیو شپږو میاشتو د اجراآتو راپورونه وړاندې کړل. په دغو راپورونو کې د پولي سیاستونو د تطبیق، د بانکي سکتور د پیاوړتیا، د اسلامي بانکوالۍ د ودې، د اداري چارو او د اداینو د سیستم د پرمختګ په اړه تفصیلي معلومات شامل وو. همدارنګه، د ۱۴۰۴ لمریز کال د پلانونو او ستراتیژیکو لومړیتوبونو په اړه هم بحث او سلا مشورې وشوې.

د یادونې وړ ده چې د افغانستان بانک عالي شورا د دغه بانک د پرېکړې کولو تر ټولو لوړه مرجع ده، چې په کال کې څلور ځله غونډې کوي او د بانک د اساسي تګلارو او ستراتیژیو د رهبرۍ مسؤلیت پر غاړه لري. باید وویل شي چې په دې غونډه کې د افغانستان بانک د عالي شورا غړو په آنلاین او حضوري ډول ګډون کړی وو.

وروستي خبرونه

دوشنبه ۱۴۰۴/۸/۵ - ۱۶:۲۹
Background image

د اداري پروسو د ساده کولو په موخه د غونډې جوړېدل

د ۱۴۴۷ کال د جمادي الاول ۵ مه - د افغانستان اسلامي امارت د کابینې د ۱۴۴۷/۳/۱ نېټې د (۵) ګڼې د (۲) بند پرېکړې او د عالیقدر امیرالمؤمنین حفظه‌الله تعالی د ۱۴۴۷/۳/۲۰ نېټې د (۱۸۲۵/۶۹۶) ګڼې. . .

یکشنبه ۱۴۰۴/۷/۲۷ - ۱۳:۵۸
Background image

د سوداګریزو بانکونو له رئیسانو سره د افغانستان بانک د لومړي مرستیال غونډه

د ۱۴۴۷ کال د ربیع الثاني د میاشتې ۲۷ مه - د افغانستان بانک د لومړي مرستیال ښاغلي صدیق‌الله خالد په مشرۍ د سوداګریزو بانکونو له رئیسانو سره غونډه ترسره شوه. په دې غونډه کې د بانکي سکتور. . .

سه‌شنبه ۱۴۰۴/۷/۱۵ - ۱۷:۱۳
Background image

د افغانستان بانک د عالي شورا غونډه جوړه شوه

د افغانستان بانک د عالي شورا غونډه د افغانستان بانک د رئیس ښاغلي نور احمد آغا په مشرۍ چې په ورته وخت کې د دې بانک د عالي شورا مشر هم دی جوړه شوه.

د غونډې په پیل کې ښاغلي نور احمد آغا د. . .

بېرته خبرونه ته