د افغانۍ بانکنوټونو د دودولو په اړه غونډه وشوه
کابل، ۱۳۹۸ کال د لړم ۲۳ مه – د افغانستان بانک سرپرست او لومړي مرستیال ښاغلي واحدالله نوشېر د کرکت لوبغاړي کریم صادق د خیریه بنسټ له استازو سره د افغانۍ د دودولو په اړه لیدنه وکړه.
په دغه غونډه کې د افغانستان بانک سرپرست او لومړي مرستیال ښاغلي واحدالله نوشېر د افغانۍ د دودولو په ارزښت خبرې وکړې او د دې خیریه بنسټ له غړو یې هیله وکړه چې د افغانیو د دودولو په برخه کې د د افغانستان بانک سره مرسته وکړي.
د یاد بنسټ استازو چې د خپلو خیریه چارو د پراختیا لپاره د افغانستان بانک ته د سوداګریزو بانکونو او سوداګرو له استازو سره د لیدنې لپاره راغلي وو، ژمنه وکړه چې له کوم امتیاز پرته به د افغانۍ بانکنوټونو د دودولو لپاره کار کوي.
د غونډې په وروستۍ برخه کې د افغانستان بانک د سرپرست او لومړي مرستیال ښاغلي نوشېر له لوري د یاد خیریه بنسټ استازو ته په افغانۍ بانکنوټونو ښکلې شوې ډالۍ ورکړل شوې.
