د افغانستان بانک خبرتیا
د سیالۍ د پیاوړي کولو او د لازیاتو صرافانو او د پولي خدمتونو وړاندې کوونکو د ګډون لپاره خبر ورکول کېږي چې د افغانستان بانک د اسعارو د لیلام په پروسه کې د عالي شورا د ۱۳۹۸/۱۲/۲۶ نیټې د ۸۵ ګڼې تصویب سره سم د بهرنیو اسعارو د لیلام په مقررې او اړوندو کړنلارو کې بدلونونه راوستي دي:
۱. د تضمین حساب لږ تر لږه نغدي پیسې د ۱۵۰۰۰۰۰ (یو میلیون او پنځه سوه زره افغانۍ) څخه ۵۰۰۰۰۰ (پنځه سوه زره افغانۍ) ته راکم شوی دی.
۲. د هر ګډون کوونکي لپاره د پېرلو تقاضا لږ تر لږه مبلغ د ۱۰۰۰۰۰ (سل زره) امریکايي ډالرو څخه ۲۰۰۰۰ (شل زره) امریکايي ډالرو ته راټیټ شوی دی.
