د افغانستان بانک او د صرافانو د یووالي شورا غونډه
۱۴۰۰ کال د غوایي ۱۵ مه – د افغانستان بانک د سرپرست ښاغلي اجمل احمدي په مشرۍ د صرافانو د یووالي شورا د رئیس او زیات شمېر صرافانو او د پولي خدمتونو له وړاندې کوونکو سره غونډه جوړه شوه.
دا غونډه د افغانستان بانک او صرافانو د یووالي شورا تر منځ د همغږۍ، د قوانینو او مقرراتو په چوکاټ کې د صرافانو او د پولي خدمتونو د وړاندې کوونکونو ستونزو او وړاندېزونو ته د رسېدنې او د صرافانو د کړنو د میکانیزه کولو په اړه جوړه شوې وه.
د غونډې په پیل کې د افغانستان بانک سرپرست ښاغلي اجمل احمدي د خپلو خبرو په ترڅ کې یادونه وکړه چې د افغانستان بانک د صرافیو او د پولي خدمتو د وړاندې کوونکو د کړنو د ښه والي او پرمختګ لپاره ژمن دی او تل هڅه کوي چې د غیر بانکي سکتور لپاره وړ او معقولې لارې چارې برابرې کړي.
ورپسې د صرافانو د یووالي شورا رییس ښاغلي امین جان خوستي خبرې وکړې او د صرافیو او پولي خدمتونو په برخه کې یې د ښاغلي اجمل احمدي له کړنو د ستاینې تر څنګ د افغانستان بانک د قوانینو او مقرراتو د تطبیق ژمنه هم وکړه او ټینګار یې وکړ چې د سالمو پولي مراوداتو په برخه کې به خپل مثبت رول ادا کړي.
د دې غونډې په لړ کې یو شمېر نورو صرافانو او د پولي خدمتونو وړاندې کوونکو هم خبرې وکړې او د غیر بانکي سکتور په برخه کې یې د افغانستان بانک د سرپرست ښاغلي اجمل احمدي له کړنو ستاینه وکړه او په دې برخه کې یې د نوموړي رول اغېزناک یاد کړ.
د غونډې په وروستۍ برخه کې ښاغلي اجمل احمدي د افغانستان بانک اړوند آمریت ته لارښوونه وکړه، تر څو د صرافانو او د پولي خدمتونو د وړاندې کوونکو ستونزو ته د قوانینو او مقرراتو په رڼا کې رسېدنه وکړي.
