د افغانستان بانک خبرتیا!

Mpoya
شنبه ۱۴۰۰/۷/۱۰ - ۱۶:۱۹
د افغانستان بانک خبرتیا!

د افغانستان بانک په هېواد کې د اوسنیو شرایطو په پام کې نیولو سره د نړیوالو پولي لېږدونو (انتقال) د تر سره کولو لپاره طرحه رامنځته کړې ده چې پر مټ یې سوداګر کولای شي د بانکونو له لارې د پیسو لېږد یا TT  تر سره کړي.

په دې طرحه کې د افغانستان بانک د سوداګرۍ د غښتلتیا او سوداګرو د آسانتیاوو په موخه سوداګریزو بانکونو ته اجازه ورکړې ده چې د لاندې توکو او خدمتونو لپاره لېږدونې ( انتقالات) تر سره کړي:

۱ – خوراکي توکي؛

۲ – طبي او کرنیز درمل؛

۳ – سوند توکي؛

۴ – بهداشتي مواد؛

۵ – د لومړنیو موادو په تولید کې د کارولو وړ صنعتي اومه مواد او پرزې؛

۶ – د برېښنا د لګښت پیسې؛

۷ – اړین مخابراتي او ترانسپورټي توکي او خدمتونه؛

۸ – د سیستمونو حفظ او مراقبت؛

د افغانستان بانک ژمن دی چې د ګرانو هېوادوالو لپاره د بانکوالۍ او سوداګریز نظام په برخه کې اړینې آسانتیاوې رامنځته کړي او هڅه کوي چې تر بل هر وخت زیات د مالي او بانکي سکتور ملاتړ وکړي او ټولې معاملې خپل عادي حال ته را وګرځوي.

وروستي خبرونه

سه‌شنبه ۱۴۰۰/۹/۱۶ - ۱۶:۳۴
Background image

د هېواد د بانکي سکتور په تړاو د افغانستان بانک خبرتیا

څرنګه چې ګران هېوادوال په جریان کې دي، سوداګریز بانکونه په ټولیزه توګه فعال او د بانکي خدمتونو په وړاندې کولو بوخت دي او د نقدینه ګۍ د وضعیت د ښه والي پر بنسټ انفرادي مشتریانو ته د نغدو. . .

سه‌شنبه ۱۴۰۰/۹/۱۶ - ۱۶:۳۰
Background image

د صرافانو د ټولنې له استازو سره غونډه

۱۴۰۰ د لیندۍ ۱۶ مه– د افغانستان بانک د لومړي مرستیال ښاغلي نوراحمد آغا په مشرۍ د صرافانو د ټولنې له استازو سره غونډه جوړه شوه.

په دې غونډه کې د افغانۍ د ارزښت ساتنې، د افغانستان بانک. . .

سه‌شنبه ۱۴۰۰/۹/۱۶ - ۱۳:۳۸
Background image

د افغانۍ د ثبات په اړه د افغانستان بانک هڅې

د افغانستان بانک د مبادلې د نرخ له متحول مدیریت شوي رژیم څخه ګټه اخلي، چې په دې ډول رژیم کې د مبادلې په نرخ کې د نوسانونو رامنځته کېدل یو حتمي امر دی، لکه څرنګه چې د سیمې یو شمېر. . .

بېرته خبرونه ته