د افغانستان بانک دویم مرستیال په افغانستان کې د ملګرو ملتونو له ځانګړې استازې سره ولیدل
۱۴۰۱ وری ۳ مه– د افغانستان بانک دویم مرستیال ښاغلي عبدالقدیر احمدد وري میاشتې پر دویمه نېټه په افغانستان کې د ملګرو ملتونو له ځانګړې استازې سره ولیدل او پر بېلابېلو مالي او بانکي موضوعګانو یې بحث وکړ.
په دې غونډه کې د افغانستان بانک دویم مرستیال ښاغلي عبدالقدیر احمد ملګرو ملتونو له بشرپاله مرستو مننه وکړه او هیله یې وښوده چې د افغانستان له خلکو سره به د دوی مرستې لا ډېرې شي.
نوموړي په افغانستان کې د ملګرو ملتونو له ځانګړې استازې وغوښتل چې خپلې مرستې د بانکي سکتور له لارې چې د خلکو لپاره د آسانتیاوو رامنځته کولو په برخه کې مرسته کوي تر سره کړي.
ورپسې په افغانستان کې د ملګرو ملتونو ځانګړې استازې آغلې دیبورا لاینز هم پر بېلابېلو مالي، بانکي او اقتصادي برخو خبرې وکړې او د مرستو په برخه کې یې د بانکي سکتور رول د ارزښت وړ یاد کړ. نوموړې زیاته کړه چې د افغانستان له خلکو سره به خپلو بشرپاله مرستو ته دوام ورکړي.
د یادونې وړ ده چې د افغانستان بانک له بېلابېلو لارو هڅه کوي چې له ټولو نړیوالو مالي او بانکي بنسټونو سره د قانون او مقرراتو په رڼا کې غوره بانکي اړیکې ولري او له دې لارې د درنو هیوادوالو لپاره اړینې آسانتیاوې برابرې کړي.
