د افغانستان بانک د هېواد په شمال زون کې  د محصلینو او صحي برخې د کارکوونکو لپاره ورکشاپ جوړ کړ

Mpoya
دوشنبه ۱۴۰۴/۲/۱ - ۱۳:۱۸
د افغانستان بانک د هېواد په شمال زون کې  د محصلینو او صحي برخې د کارکوونکو لپاره ورکشاپ جوړ کړ

د ۱۴۴۶ شوال المکرم ۲۳ مه - د افغانستان بانک د محصلینو او صحي برخې د کارکوونکو لپاره د مالي پوهاوي، برېښنایي بانکوالۍ، وړو مالي تمویلاتو او د بانکي سکتور د پیاوړتیا په موخه روزنیز ورکشاپ جوړ کړ.

یاد ورکشاپ، چې د هېواد د شمال زون له یو شمېر پوهنتونونو او د بلخ د عامې روغتیا ریاست سره په همغږۍ جوړ شوی وو، د افغانستان بانک د لومړي مرستیال ښاغلي صدیق الله خالد له لوري یې پرانیسته وشوه. د دې ورکشاپ په پیلیزه وینا کې د افغانستان بانک لومړي مرستیال وویل "زما لپاره د ویاړ ځای دی چې نن د افغانستان بانک په استازیتوب، د قدر وړ محصلینو او د صحي برخې د کارکوونکو لپاره د دې ارزښتناک ورکشاپ پرانیسته کوم ".

نوموړي زیاته کړه، چې د افغانستان بانک تل هڅه کوي له اکاډمیکې او مسلکي ټولنې سره د فکر، څېړنې او عمل ګډ سفر ولري، ترڅو په هېواد کې د مالي سواد، مالي شمولیت، د خدماتو د پراخوالي او اقتصادي پرمختګ لپاره عملي او مؤثرې لارې وموندل شي.

باید وویل شي چې په دې ورکشاپ کې د غیر بانکي مالي مؤسساتو څخه د څارنې، د بانکي څارنې او مالي خدمتونو، د عامه اعتبارونو د ثبت او مالي خدمتونو د پراختیا او د افغانستان د تادیاتو سیستم د لویو آمریتونو له لوري د اړوندو موضوعاتو په اړه مفصل پریزنټېشنونه وړاندې شول. محصلینو ته د وړو مالي تمویلاتو، برېښنایي بانکوالۍ، مالي شمولیت، د بانکي خدمتونو د پراخوالي او د اقتصادي ثبات په برخو کې معلومات ورکړل شول.

د ورکشاپ موخه دا وه، چې محصلینو او د صحي برخې کارکوونکو ته د مالي سکتور د مهمو موضوعاتو په اړه پوهاوی ورکړل شي، هغوی وهڅوي چې د خپلو تحلیلونو، څېړنو او نوښتونو له لارې، د هېواد د اقتصادي ودې لپاره رغنده رول ولوبوي، له مالي خدمتونو ګټه واخلي او نور خلک هم دې برخې ته را وبولي.

د یادونې وړ ده چې په دې ورکشاپ کې ګډونوالو ته د پوښتنو او نظریو د شریکولو فرصت هم برابر شوی وو او د دوی پوښتنو ځوابونه وویل شول.

وروستي خبرونه

چهارشنبه ۱۴۰۴/۴/۱۸ - ۱۲:۴۰
Background image

د مراکش په پلازمېنه رباط کې د اسلامي مالي خدماتو بورډ ۲۳ کلنۍ غونډه

د افغانستان بانک د ټولو سرپرست رئیس ښاغلي نور احمد اغا او مل پلاوي د روان میلادي کال د جولای د میاشتې د ۱ - ۳ نېټې پورې د مراکش په پلازمېنه رباط کې د اسلامي مالي خدماتو بورډ په درویشتمه. . .

سه‌شنبه ۱۴۰۴/۴/۱۰ - ۱۵:۵۹
Background image

د افغانستان بانک 15 میلیونه امریکايي ډالره لیلاموي

1447 محرم‌ الحرام 5 مه - د افغانستان بانک غواړي چې د 1447 کال د محرم‌ الحرام د میاشتې په 6 نېټه (1404/04/11) د چهار شنبې پر ورځ د داوطلبۍ له لارې د (15) میلیونه امریکايي ډالرو پورې مبلغ. . .

یکشنبه ۱۴۰۴/۴/۸ - ۱۷:۲۸
Background image

د افغانستان بانک د سرپرست رئیس په مشرۍ پلاوی مراکش ته په سفر روان شو

۳ محرم‌ الحرام ۱۴۴۷ هـ ق – د افغانستان بانک سرپرست رئیس، ښاغلی نور احمد آغا، د یو لوړپوړي پلاوي په مشرۍ مراکش هېواد ته په سفر روان شو، څو د اسلامي مالي خدمتونو بورډ (IFSB) په کلنۍ. . .

بېرته خبرونه ته