د افغانستان بانک سرپرست رئیس له جنوب لویدیځ زون څخه لیدنه وکړه
۱۴۰۱ وری ۶ – د افغانستان بانک د زونونو او نمایندګیو څخه د لیدنې او څارنې په لړ کې دا ځل د افغانستان بانک سرپرست رئیس ښاغلي حاجي ادریس او ور سره پلاوي چې د دې بانک د ریاست د دفتر لوی آمر ښاغلی صدیق الله خالد یې هم ملتیا کوي، جنوب لویدیځ زون ته سفر وکړ او د دې زون له نمایندګیو یې لیدنه وکړه.
د دې سفر موخه داصلاحاتو را وستل، د چارو تنظیم، همغږي، د مدیریتي چارو اغېزناکتیا او د ګروپي کار په وسیله د افغانستان بانک بنسټیزو موخو ته رسېدنه ده.
د یادونې وړ ده چې یاد پلاوي له نمایندګیو څخه تر لیدنې وروسته په جنوب لویدیځ زون کې د ټولو نمایندګیو د استازو په ګډون د چارو د لا همغږۍ په موخه غونډه تر سره کړه چې د غونډې په اوږدو کې هر اړخیز بحثونه وشول او د ستونزو د حل په موخه دافغانستان بانک سرپرست رئیس ښاغلي حاجي ادريس اړوندو څانګو ته اړینې لارښوونې وکړې.
د افغانستان بانک سرپرست د جنوب لویدیځ زون له کارکوونکو څخه و غوښتل چې د چارو د لا همغږۍ او خلکو ته د غوره خدمتونو د وړاندې کولو په موخه دې په پوره مسئولیت، اخلاص او صداقت سره چارې تر سره کړي.
