د سوداګریزو بانکونو له استازو سره غونډه
کابل، ۱۳۹۸ کال د لړم ۱۹ مه – د افغانستان بانک د سرپرست او لومړي مرستیال ښاغلي واحدالله نوشېر په مشرۍ د سوداګریزو بانکونو له استازو سره غونډه جوړه شوه.
په دې غونډه کې د بانکونو له لوري د پورونو د ورکړې په برخه کې د ګټې په کچه، تضمین او د پورونو د ورکړې په څرنګوالي او د یو شمېر نورو موضوعګانو په اړه خبرې وشوې.
د دې غونډې په ترڅ کې ښاغلي واحدالله نوشېر د پورونو د ورکړې په برخه کې د قانون په رڼا کې د لا زیاتو آسانتیاوو په رامنځته کولو ټينګار وکړ.
پاتې دې نه وي چې په دې غونډه کې افغان سوداګرې آغلې مرضیه حفیظي هم ګډون کړی ؤ، نوموړي د افغان ښځینه سوداګرو لپاره د بانکونو له لوري د پورونو د ورکړې په برخه کې د زیاتو آسانتیاوو په رامنځته کولو ټينګار وکړ.
باید وویل شي چې په دې غونډه کې د سوداګریزو بانکونو استازو هم په دې برخه کې د غوره خدمتونو د وړاندې کولو ژمنه وکړه او یادونه یې وکړه چې دوی به هغه کسانو ته چې غوره اقتصادي پلانونه ولري د پورونو په ورکړه کې لا زیاتې آسانتیاوې رامنځته کړي.
