د کابل د شهزاده سرای به د ۱۴۰۰ کال د وږي ۱۳ نېټه د شنبې په ورځ پرانیستل شي
د افغانستان بانک رهبري پلاوي د اسعارو د راکړې او ورکړې او مبادلې په برخه کې د آسانتیاوو د رامنځته کولو لپاره د صرافانو له رهبرۍ او غړو سره غونډه وکړه. په دې غونډه کې پرېکړه وشوه چې د کابل د شهزاده سرای به د ۱۴۰۰ کال د وږي له ۱۳ نېټه د شنبې پر ورځ پرانیستل شي.
ګران هېوادوال کولای شي چې د تېر په شان د خپلو پولي معاملو د مبادلې لپاره یاد بازار ته مراجعه وکړي او دا چارې به په عادي ډول روانې وي.
د افغانستان بانک ژمن دی چې د هېواد په بېلا بېلو مالي او بانکي برخو کې د خلکو لپاره اړینې آسانتیاوې رامنځته کړي.
